Габриэл Жезус умумий гуруҳ машғулотларига қайтди
16 фев 2018 22:46
Новости

Габриэл Жезус умумий гуруҳ машғулотларига қайтди

“Манчестер Сити” ҳужумчиси Габриэл Жезус бугунги машғулотни умумий гуруҳда ўтказди.

Бу ҳақда “шаҳарликлар” устози Хосеп Гвардиола маълум қилди.

Жезус АПЛ 21-турида (31 декабрь) “Кристал Пэлас”га (0:0) қарши баҳсда чап тиззасидан жароҳат олганди. Шундан буён у олти ҳафтадан кўпроқ вақтини жароҳатини тиклаш билан ўтказди.

“Яхши янгилик: Жезус бугун умумий машғулотларда иштирок этди. У қачон майдонга тушишини билмайман, аммо икки ҳафталик индивидуал машғулотлардан кейин у ниҳоят сафга қайтганидан хурсандман”, дея Гвардиоланинг сўзларидан иқтибос келтирмоқда “Сити” расмий сайти.

Испаниялик мутахассиснинг айтишича, Жезус навбатдаги учрашув – Англия кубоги 1/8 финалида “Уиган”га (19 февраль) қарши баҳсда жамоасига ёрдам бера олмайди. Аммо кейинги ўйинларда бошлаб у майдонга тушиши мумкин.

Ссылка :

Источник : "Манчестер Сити" расмий сайти

Получайте новости прямо в Telegram!

Рейтинг: +3