Габриэль Батистута:"Фаолиятим тугаганидан сўнг, шифокордан оёғимни кесиб ташлашни сўрагандим"
28 авг 2014 20:27
Новости

Габриэль Батистута:"Фаолиятим тугаганидан сўнг, шифокордан оёғимни кесиб ташлашни сўрагандим"

Аргентина терма жамоаси собиқ футболчиси Габриэль Батистута, фаолияти якунлангандан сўнг оёғи билан юзага келган муаммолар ҳақида гапириб берди.

"Фаолиятимни якунлаганимдан сўнг, деярли юра олмаслигимни ҳис қилдим. Баьзида хожатхонага ҳам чиқа олмасдим. Мен туришни хоҳламасдим, чунки турсам оёғимдаги оғриқ янада кучаяр эди.

Оёғим қаттиқ оғриганидан, шифокордан уни кесиб ташлашни сўраганман. Чунки оғриққа чидаб бўлмасди. Мен Оскар Писториусни кўрдим ва шу йўл билан муаммондан қутилишим мумкинлигини ўйлаб қолдим.

Шифокор рад этди ва мени ақлдан озганимни айтди. У мени оёғимни бинт билан ўраб қўйди.

Муаммо шунда эдики, оёғимда куч йўқ эди - менинг 86 кг оғирлигимни шунчаки суякларим кўтариб турар эди. Вақт ўтиши билан ҳаммаси ўз жойига туша бошлади" - дейди Батистута.

Футболчи "Ньюэллс Олд Бойз", "Ривер Плейт", "Бока Хуниорс", "Фиорентина", "Рома" ва "Интер" сафида ўйнаган ва фаолиятини 2005 йилда тугатган.

Ссылка :

Источник : sports.ru

Получайте новости прямо в Telegram!

Рейтинг: