Футзал. Ўзбекистон терма жамоасининг бугунги машғулоти

Терма жамоамизнинг кундузги машғулотида бош мураббий Хосе Мария Мендез асосан ўйин пайтида юзага келадиган ҳолатлар, ҳимояда ва ҳужумда қандай ҳаракат қилиш зарурлиги, имкониятлардан унумли фойдаланиш устида иш олиб борди. Мундиал бошланишига оз вақт қолгани боис оғир жисмоний машқлардан фойдаланилмаяпти.

Ўзбекистон терма жамоасининг бугунги машғулотида қатнашган футзалчилар:

Дарвозабонлар: Рустам Умаров, Акмал Хазратқулов, Шавкат Ибрагимов.

Ўйинчилар: Фарҳод Абдумавлонов, Артур Юнусов, Шуҳрат Тожибоев, Константин Свиридов, Нодир Элибоев, Даврон Чориев, Жавлон Аноров, Илҳом Ҳамроев, Андрей Шлема, Дилшод Раҳматов, Дилшод Ирсалиев, Тоҳир Абдураззоқов, Жамолиддин Шарипов, Феруз Фахриддинов, Машраб Одилов.

Бугун Машраб Одилов ва Жавлон Аноровлар кичик жароҳат олиб машғулотни охиригача етказа олишмади. Терма жамоамиз шифокорларининг сўзларига кўра, уларнинг жароҳати жиддий эмас.

Мундиалда иштирок этадиган якуний рўйхатдан юқоридаги футзалчилардан 14 нафари жой олади.

Эслатиб ўтамиз, Ўзбекистон миллий терма жамоаси мундиалга тайёргарлик жараёнидаги навбатдаги учрашувни 28 ва 29 август кунлари Эрон терма жамоасига қарши ўтказади.