Футзал. Ўзбекистон терма жамоаси Беларусь билан иккита ўртоқлик учрашуви ўтказади

Хосе Мария Мендез (Пулпис) бошчилигидаги терма жамоамиз Беларусь терма жамоаси билан 2 ва 3 декабрь кунлари ўйин ўтказади. Жамоамиз 1 декабрь куни ушбу давлатга учиб кетади.

Футзалчиларимиз ушбу ўйинларни ўтказиб бўлгач тўғри Дохага учади. Қатарда 5-10 декабрь кунлари йиғин ўтказади ва Қатар миллий терма жамоаси билан иккита ўртоқлик учрашуви ташкиллаштирилади. 

Эслатиб ўтамиз, Ўзбекистон терма жамоаси келаси йилнинг 10-21 февраль кунлари Тошкентда ўтказиладиган Осиё чемпионатига тайёргарлик кўрмоқда.