Футзал. Клублар ўртасидаги ОЧ. "Олмалиқ"қа бешта гол урган "Чонбури Блювейв" биринчи ярим финалчи + ФОТО

Бугун мусобақанинг чорак финал беллашувлари ўтказилмоқда. Гуруҳ ўйинларида "Олмалиқ"ни 5:0 ҳисобида мағлуб этган Таиланд чемпиони "Чонбури Блювейв" 1/4 финалнинг илк қарама-қаршилигида Япония чемпиони "Шрикер Осака"ни 4:2 ҳисобида мағлуб этди. Шу тариқа, таиландликлар биринчи ярим финалчига айланишди.

Клублар ўртасидаги Осиё чемпионати
Чорак финал
"Phu Tho Stadium", Хошимин
27.07.2017

"Чонбури Блювейв" - "Шрикер Осака" 4:2
Голлар: Р.Венансио 8, 37, Т.Субҳавут 10, С.Жирават 11 - С.Шибано 33, Т.Сато 34

Огоҳлантиришлар: В.Критсада 2, С.Наттавут 40 - С.Шибано 22, Артур 24, Н.Осодо 36

Учрашувни Ўзбекистон терма жамоаси ва "Ардус" клубининг собиқ бош мураббийи Хосе Мария Пазос Мендез ҳам бевосита аренадан кузатиб борди. Жаноб Мендез айни пайтда Таиланд терма жамоаси бош мураббийи ҳисобланади.