Футзал. Кирилл Ермолов: “Ўзбекистонни яхши биламиз”

– Кирилл, жамоанинг энг тажрибали футболчиси сифатида гуруҳимиз ҳақида нима дея оласиз? Қуръа қанчалик омадли бўлди?
– Ўйлашимча, бизнинг гуруҳда кураш кескин кечади. Сўнгги турга қадар ким чорак финалга чиқиши аниқ бўлмаса керак.

– Рақиблар ҳақида нима дея оласиз? Уларга қарши олдин ўйнаганмисиз?
– Ўзбекистон терма жамоасини яхши биламиз. Хатто баъзи футзалчилар билан ижтимоий тармоқлар орқали гаплашиб ҳам турамиз. Ливан билан олдин ўйнаганмиз. Битта нарсани айтишим мумкин – бу чақилмас ёнғоқ. Саудия Арабистони эса "чиройли кўзлари" учун Осиё чемпионатига чиқмаган. Гуруҳ борасида омадимиз келди дея олмайман, лекин қуръа янада оғир келиши мумкин эди.

Эслатиб ўтамиз, Қирғизистон Осиё чемпионатида "A" гуруҳида мусобақа мезбони Ўзбекистон, Ливан ва Саудия Арабистони билан кураш олиб боради.