Футзал бўйича Республика чемпионати финалчилари маълум

2006 йилда туғилган болалардан иборат жамоалар ғолиблик учун кураш олиб бораётган мусобақанинг финал иштирокчилари аниқланди. Кеча ўтказилган ярим финал учрашувларида Тошкент шаҳри шарафини ҳимоя қилаётган Олмазор туманида жойлашган БЎСМ-2 жамоаси Қорақалпоғистон Республикаси Тахиатош туманидан ташриф буюрган БЎСМ тарбияланувчиларини йирик ҳисобда мағлуб этди.

Иккинчи ярим финалда қўшнилар ўзаро куч синашди. Бу беллашувда ҳам йирик ҳисоб қайд этилди. Арсаной туманида (Жиззах вилояти) жойлашган БЎСМ тарбияланувчилари Мирзабод туманидан (Сирдарё вилояти) ташриф буюрган тенгдошларини таслим этишди.

Бугун мусобақанинг финал учрашуви бўлиб ўтади.

ЎЗБЕКИСТОН ЧЕМПИОНАТИ

ЯРИМ ФИНАЛ

5 май (якшанба)

Тошкент шаҳри – Қорақалпоғистон Республикаси – 7:1

Голлар: Саидбилол Йўлдошев (4та), Достон Рихсибоев (2та), Нодир Зокиров – Обод Ортиқбоев.

Жиззах вилояти – Сирдарё вилояти – 5:1

Голлар: Рўзимурод Умаров (2та), Наврўз Исматуллаев (2та), Самандар Исматуллаев – Д.Ҳасанов.