"Футболда бундай ҳолатлар учраб туради". Бир муддат ҳушини йўқотган Ботирали Эргашев учрашувдан сўнг нималар деди?
10 мар 2021 12:10
Новости

"Футболда бундай ҳолатлар учраб туради". Бир муддат ҳушини йўқотган Ботирали Эргашев учрашувдан сўнг нималар деди?

Олмалиқнинг АГМК клуби Coca cola Суперлиганинг биринчи турида ўз майдонида Тошкентнинг "Локомотив" жамоасини қабул қилди ва 2:1 ҳисобида ғалаба қозонди.

Ушбу баҳсда Миржалол Қосимов шогирдлари ғалабани тантана қилган бўлсада, ўйин давомида кўпчиликни ҳавотирга солган вазият юзага келди. Мезбонлар дарвозабони Ботирали Эргашев 37-дақиқада "Локомотив" ярим ҳимоячиси Санжар Қодирқулов билан тўқнашиб кетди. Бунинг натижасида кипер бир муддат ҳушини йўқотди. Кеча "Тезкор Студия"нинг жонли эфирида ушбу ҳолат юзасидан посбон билан алоқага чиқдик ва айни пайтдаги ҳолати билан қизиқдик.

"Оллохга шукур ҳаммаси яхши. Рақиб футболчиси билан тўқнашувдан кейин шундай вазият юзага келди. Анча ўзимга келяпман. Барчаси жойида. Қўлга киритилган ғалаба билан мухлисларни табриклайман. Ҳа, "Локомотив" ўйинчиси олдимга келиб одатдагидек кечирим сўради. Бу томондан муаммо бўлмади. Футболда бундай ҳолатлар учраб туради",- дейди Ботирали Эргашев.

Ссылка :

Источник : championat.asia

Получайте новости прямо в Telegram!

Рейтинг: +11