Футбол ўйнашни ўрганаман. Ўйинолди машғулотлар
29 янв 2016 17:30
Новости
![](https://championat.asia/upload/storage/196793_original.jpg)
![](/upload/storage/196793_220.jpg)
Футбол ўйнашни ўрганаман. Ўйинолди машғулотлар
Рукнимизнинг илк сонида қайси майдонларда қандай тишли бутсалар кийиш ҳақида маълум берган эдик. Бу сафар дўстларингиз билан футбол учрашувидан олдин ўйинолди машғулотлар борасида маслаҳатлар берамиз.
ЎЙИНОЛДИ МАШҒУЛОТЛАР
Вақтингиз жуда кўп бўлмасада барибир машғулотдан воз кечмаслик керак. Совуқ мушакларни жароҳатлаш осон ва бир неча дақиқа тежаб қолишга уринишингиз ҳафталаб шикастланишни даволашга олиб келиши мумкин.
Машғулотни бошлашдан олдин бироз югуриб олинг, бу юрагингизни тезроқ уришига мажбур қилади, ҳароратингиз кўтарилади. Бор куч билан югуриш керак эмас, бироз терлаб олишнинг ўзи етарли.
Танани қиздиришни тепадан бошланг. Аввалига бўйин мушаклари, кейин елка ва қўл, кейин бел, сон ва оёқ мушакларини машқлар билан ишланг.
Бу машғулотларни биринчи бажаришда бироз енгилроқ ва секинроқ қилинг. Асосийси шошилмаслик. Бирданига танани қийнаш ҳам жароҳат келтириб чиқаради. Аста-секинлик билан танангизнинг эгилувчанлигини ошириш лозим. Пайларни секин чўзинг.
Илк машғулотларни якунлаган бўлсангиз ушбу машқларни қайтадан бажаринг, аммо бу сафар бироз куч билан. Машғулот пайти ёдингизда бўлсин, танангиз футбол ўйини пайтида бунданда қийинроқ ҳаракатларни бажаради. Машғулотлар якунланди, ўзингизни анча тетик ҳис қиляпсизми? Ундай бўлса ўз жамоангизга қўшилиб, фантастик голларни киритишни бошланг ва уларни чиройли нишонлашни ҳам унутманг.
Похожие новости
![AMP Logo](https://championat.asia/image/logo-amp.png)
Комментарии