RU

Последние новости

03:08Акмал Рустамов: "Қўқон шамоли? Бундай об-ҳавода ҳар иккала жамоа ўйнади"  0 02:50Баҳром Ҳайдаров: "Қизилқум"дек жамоани мағлуб этганимиздан хурсанд бўлдим"  0 01:55Суперлига. "Пахтакор" – "Нефтчи" 2:1  1 01:27Камолиддин Тожиев: "Пахтакор"га қарши барча рақиблар 200%га ўйнайди"  3 00:41Левченко: "Пахтакор" нима қилди? Фақат ҳимояланди-ку"  18 00:34Бундеслига. "Бавария" "Гамбург" дарвозасига жавобсиз 5 та гол урди, мюнхенликлар дастлабки 4 та тўпни 29 дақиқа ичида киритишди  0 00:00Туркия Суперлигаси. Истанбул дербисида "Бешиктош" "Истанбул Башакшехир"ни мағлуб этди, Шомуродов янги клубидаги дебют голини урди!   35 23:27АПЛ. "Тоттенхэм" Лондон дербисида "Вест Хэм"ни йирик ҳисобда мағлуб этди  0 23:14А Серия. "Ювентус" ва "Интер" ўртасидаги ўйинда 7 та гол урилди  23 23:00Эрон Про лигаси. "Персеполис" ва "Фулад" ўртасидаги ўйинда ғолиб номи аниқланмади  3 22:13"Эвертон" Жек Грилиш бўйича қарор қабул қилди  1 21:26Ла Лига. "Реал Мадрид" қийин ўйинда "Реал Сосьедад"ни мағлуб этди, мадридликлар 32-дақиқада ўн киши бўлиб қолишди  52 21:06Суперлига. Бир киши кам бўлиб қолган "Пахтакор" "Нефтчи"ни мағлуб этди  222 20:00"Қўқон-1912" "Қизилқум"нинг мағлубиятсиз сериясига чек қўйди  12 19:17АПЛ. "Арсенал" ўз уйида "Ноттингем Форест"ни йирик ҳисобда таслим этди, Субимендидан дубль!  21

Франк Райкард: “Бундай иштирок ҳақида ҳар бир мураббий орзу қилади” Новости

Франк Райкард: “Бундай иштирок ҳақида ҳар бир мураббий орзу қилади”

“Барселона”нинг Испания чемпионатидаги муваффақиятсиз старти Луис Энрикегача клубда ишлаган мураббийлардан бири тўғрисида эслашга мажбур қилди.

Франк Райкард ҳам клубда ишини яхши бошлай олмаганди, лекин мавсум якунида ла лига ва Чемпионлар лигасида зафар қучганди. “Марка” нашрига берган интервьюсида Райкард жамоанинг ҳозирги ҳолати хусусида тўхталди.

- Ҳозир нима билан машғулсиз?
- Футболдан нари кетдим. Амстердамда оилам билан хотиржам яшаб, бошқа ишлар билан шуғулланяпман.

- “Барселона”да ишлаган пайтдан қандай хотиралар қолган?
- Ўша вақт ва бошдан ўтказган ажойиб лаҳзалар учун фахр туйғусини ҳис қиламан. Албатта, афсусланарли вазиятлар ҳам бўлган, лекин доимо “Барса” ҳақида ёқимли таассуротларга эга бўлиш учун ҳаракат қилганман.


- Дебютингиз омадли бўлмаганди.
- Биз клубга у бир неча йил мобайнида ҳеч нарса ютмаган пайтида келгандик. Биринчи мавсумнинг бошида жуда қийин бўлди. Кейин барчаси жойига тушди. Кўп ҳолда мен ўйинчиларга миннатдорчилик билдираман, айниқса Роналдиньога. У мухлислар ишончини оқлаб, янги “Барселона”нинг асосчисига айланди.

- Жамоадаги ишингиз якунида Роналдиньо яхши ўйин кўрсатмаган пайтда ҳам унга нисбатан қаттиққўл бўлмаганмисиз?
- Йўқ, мураббий сифатида танланган йўлдан юришни истардим. Футболда кўтарилиш ва пасайиш юзага келади, ўзгариш доим рўй беравермайди.

- Бундай клубда футболчилар билан мулоқот қилиш керакми ёки улардан бўйсунишни талаб қилиш зарурми?
- Баъзида ўйинчилар ўз кибрларини йўқ қилиши учун қатъий чораларни кўриш лозим. Бунда мулоқот ҳам, тартиб ҳам зарур бўлади.


- Карло Анчелотти “Реал”дан кетганда унга қатъийликнинг етишмаслиги панд берганини айтишди.
- Диктатор дейилган мураббийлар ҳам футболчилар билан мулоқотга киришишга мажбурлар. Акс ҳолда, уларга ҳеч ким ишонмайди.

- Қўл остингизда дебют қилган паст бўйли аргентиналик ҳақида қандай ўйлайсиз?
- Месси билан ажойиб нарсалар рўй берди. У футболда эришган нарсаларни кўрганимдан хурсандман. Бироқ у сазовор бўлган нарсалар фақат Мессига тегишли эмас. Иньеста, Хави, Виктор Вальдес... Уларнинг барчаси чўққига чиқишни бошлашди ва футбол тарихига киришди.

- Месси бошлаган пайтда унда шундай имкониятларни кўрганмидингиз?
- У машқ қилганда барча куни кўрганди. Лекин имкониятга эга бўлиш ва ундан фойдаланиш бошқа-бошқа нарсалардир.


- Ўша “Барса”нинг муваффақиятларига сабаб нима эди?
- Жамоа учун ҳамиша кучли хорижликлар тўп тепишган. Вақти келиб, тарбияланувчилар уларга рақобат қиладиган пайт келди. Шу туфайли маълум даврда ғалабаларга эришиш насиб этди. Чунки хорижлик футболчи 2-3 йил юқори савияда ўйнайди ва кейин кетади. Натижада янги цикл бошланади. “Барса”да тарбияланувчилар юқори ижрочилик маҳорати билан ажралиб турарди.

- Ўша даврни қайтариш имконсиз: чиройли ўйнаш ва тарбияланувчилар билан интилиш.
- Шубҳасиз, маҳаллий ўйинчилар хорижликлардан ўрганиш учун интилишади. Юлдузлар кетганда улар ўринларни эгаллашади. Бу иш эса осон эмас.


- Бугунги “Барса”ни қандай кўрасиз?
- Қандайдир хулоса чиқаришга ҳали эрта. Месси жароҳат олди ва жамоа усиз ўйнашни ўрганиши керак. “Барселона”да мақсадларига етишиш учун етарли имконият мавжуд.

- Ўтган мавсум билан таққослаганда фарқлар борми?
- Луис Энрике ва футболчиларни ўтган мавсумдаги иштирок билан табриклаш мумкин. Бошланиши менинг давримдагига ўхшаб кетди, лекин кейин жамоа бирлашди ва кучайди, жуда кучли ўйнади. Бундай иштирок ҳақида ҳар бир мураббий орзу қилади.


Беҳзод НАЗАРОВ тайёрлади.

Рейтинг: +7   

Комментарии

championat.asia
< посмотреть последние новости
Яндекс.Метрика