Франция терма жамоаси дарвозабони: "Парагвай билан ҳисоб китобимиз бор"
27 сен 2024 20:21
Новости

Франция терма жамоаси дарвозабони: "Парагвай билан ҳисоб китобимиз бор"

Теги : Франция футзал терма жамоаси Франсис Локока

Жаҳон чемпионати 1/8 финал доирасидаги Таиланд - Франция (2:5) учрашувдан сўнг Франция терма жамоаси дарвозабони Франсис Локока сайтимизга кичик интервью берди.

"Таиланд - ажойиб жамоа эканлигини яна бир бор исботлади. Бугун биз ғалаба қозондик ва ажойиб ўйин ўтказдик. Ўйиндан аввал фақатгина ғалаба қозониш учун майдонга тушамиз дея ният қилгандик, якунда ўз мақсадимизга эришдик. Чорак финал босқичи яхши натижа деб ўйлайман. Кейинги босқичдаги рақибимиз Парагвай. Биз сўнгги икки йил ичида Парагвайга қарши иккита ўртоқлик ўйини ўтказгандик ва бу жамоага мағлуб бўлгандик. Улар билан ҳисоб китобимиз бор. Бу сафар эса мундиалда тўқнаш келадиган бўлдик. Икки жамоанинг ҳам имкониятларини тенг баҳолайман. Олға, Франция" - дея фикр билдирди Франция терма жамоаси дарвозабони Франсис Локока.

Абдулвосит Бектемиров суҳбатлашди