Фотомақола: "Локомотив" - "Пахтакор" 1:3

Учрашувни бошқарган ҳакамларга икки жамоа ҳам эътироз билдирмади. Аммо умумий қилиб олганда, улар ўзимизнинг ҳакамлардан бир калла устун эмаслар. Ўзимизда ФИФА ҳакамлари турганда, четдан легионер ҳакам олиб келиш тўғри бўлмаса керак. Қолаверса, бу чемпионатга нисбатан ФИФАда ҳам шубҳа уйғониши мумкин бўлади. Шунинг учун Кубок финалини ўзимизникилар бошқара қолгани яхши. Фақат икки жамоа ўзаро келишиб олса бўлгани, яъни очиқ ўйин қилишга.

Ўйин бошланган ҳам эди-ки, Кримец калла "қўйди". 0:1. Тарихга назар ташласак, олий лигадаги энг тезкор гол айнан мана шу жамоалар ўртасидаги баҳсда қайд этилган. 2008 йил "ЖАР"да бўлиб ўтган "Локомотив" - "Пахтакор" баҳсида "темирйўлчилар" легионери Эвертон адашмасам, 8-сонияда Нестеров дарвозасини ишғол қилганди. 

Ака-ука Тожиевлар тўп учун курашишяпти. Кечаги ўйинда Фарҳоддан фарқли равишда Камолиддиннинг ўйини қовушди.

Лобанов ҳимоячиларга бақиряпти. Фарҳод эса ярим ҳимоячиларга. Ўйин жуда асабий кечди, афсуски, бундай ўйинлар сони жуда-жуда кам.

Ўзбекистондаги ҳар томонлама легионер мақомига жавоб берувчи камдан кам футболчилардан бири. Узоқ танаффусдан сўнг Боян қайтди.

Шахсий фикрим, Ўзбекистон олимпия терма жамоасига чақирилиши керак бўлган энг керакли ҳужумчилардан бири бу - Алишер Шоғуломов. Кеча кун қаҳрамони бўлиши мумкин эди, афсуски, унинг дарвозага яқин масофадан берган зарбаси қийшиқ кетди. Акс ҳолда, ҳисоб 2:2 кўриниш олиши мумкин эди.

Бу голга таъриф: - "ФИНИШ!"

Балки Солиев йил давомида майдонда кўринмаган бўлиши мумкин, аммо ўз тажрибаси билан ёшларни кучайтира олди.