football.com.ph: Ўзбекистонлик футболчиларни қай даражада ўргандик?

Биз Сизларга Ўзбекистон миллий терма жамоасидаги асосий футболчилар ҳақида ахборот берамиз:

№ 19. Виталий Денисов (ҳимоячи)

Ўзбекистонлик ҳимоячи топ чемпионатлардан бирида Москванинг "Локомотив" клуби шарафини ҳимоя қилади. Ташқи кўриниши "Барселона" футболчиси Иван Ракитичга ўхшайди. Денисов ўз қанотидан ҳужум уюштиришни яхши уддалайди. Шунингдек, у аутдан тўпни жуда узоққа улоқтириб бера олади.

№ 9. Одил Аҳмедов (Ярим ҳимоячи)

Терма жамоа сардоринининг энергияси жуда кўп. Ўртани ўзига бўйсундириб у ерда эркин ижод қила олади. Айнан унинг рейдидан кейин яманликлар қўполлик ишлатишди ва ўйиндаги ягона гол урилди. 27 ёшда бўлишига қарамай, Россиянинг фахрий ўйинчисига айланиб улгурди. 3 йил давомида "Анжи" сафида фаолият олиб борган футболчи ҳозирда "Краснодар" сафида ҳаракат қиляпти. Ўз пайтида Гусс Хиддинк қўл остида Это'О ва Карлос каби юлдузлар билан бирга тўп тепган.

№ 30. Александр Гейнрих (Ҳужумчи)

Умумий ҳисобда терма жамоада 28та гол урган футболчи Ўзбекистоннинг энг тажрибали ҳужумчиси ҳисобланади. Яман билан ўйинда захирадан майдонга тушиб ўйин тақдирини ҳал қилди. Бир неча йилдан бери Қозоғистон чемпионатида тўп тепяпти.

№ 21. Александр Лобанов (Дарвозабон)

29 ёшли кипернинг бўйи 1.90 метр. "Пахтакор" посбони терма жамоада дебютини ўтказди. У асосий посбон Игнатий Нестеровнинг ўрнига майдонга тушяпти. Унинг имкониятларини яхши биладиган мураббий асосий таркибга нима учун қўяётганини билиш қийин эмас. Боиси мураббий аввал "Пахтакор"да ишлаган.

№ 8. Сервер Жепаров (Ярим ҳимоячи)

Жанубий Кореда тўп тепаётган ҳужумкор ярим ҳимоячи қитъамизнинг совриндор футболчиси ҳисобланади. У икки маротаба "Осиёнинг энг яхши футболчиси" деб топилган. 

№ 10. Сардор Рашидов (Ярим ҳимоячи)

Ўзбекистоннинг Осиё Кубогидаги тўпурари. Яман билан ўйинда Рашидов чап қанотда вингер сифатида тўп тепди. Аммо шу куни ундан омад юз ўгирди. Шунга қарамай, у Шимолий Корея билан бўлган ўйиндан кўра яхшироқ ҳаракат қилди деб айта оламиз.

Кўриб турганингиздек, филиппинлик журналистлар терма жамоамизни зимдан кузатишган ва уларнинг футболчиларимизга берган таърифи тўппа-тўғри. Бугун қизиқ ўйин бўладиган кўринади...

Филиппинликларни тахминий таркиблари қуйидагича кўриниш олди: