Флорентино Перес аудиоёзувларини тарқатган журналист 10 миллион евро талаб қилган, аммо...
16 июл 2021 12:10
Новости

Флорентино Перес аудиоёзувларини тарқатган журналист 10 миллион евро талаб қилган, аммо...

"Реал Мадрид" клуби президенти Флорентино Перес ва унинг аудиоёзувларини тарқатаётган журналист билан боғлиқ вазиятнинг янги маълумотлари ошкор бўлди.

Испаниянинг "Onda Cero" радиосининг хабар беришича, сўнгги кунларда тарқал(аёт)ган аудиоёзувлар "муаллифи" "Мадрид" вице-президенти Де Блас билан алоқага чиққан ҳамда маълумотларни кенг оммага тарқатмай, ўчириб юбориш учун 10 миллион евро талаб қилган.

Клуб бу таҳдидга учмаган ва товламачилар билан "ишламаслиги"ни маълум қилган.

Шунингдек, "қироллик клуби"дагилар бу ишлар айнан ҳозир бўлаётганига сабаб Флорентино Перес Суперлигани ташкил этиш фикридан қайтмаганлиги деб ҳисоблашмоқда.