Флик: "Биз фантастик жамоани мағлуб этдик"

"Барселона" бош мураббийи Ханс-Дитер Флик ўйиндан кейин таассуротлари билан ўртоқлашди.

"Биз фантастик жамоани мағлуб этдик. "Барса" — "Бавария" тўқнашуви Европада анъанага айланиб улгурди. Ва бу иккита фалсафаси ўхшаш жамоаларнинг тўқнашуви эди... Ўтказиб юборилган голга кўрсатган муносабатимиз менга ёқди. Бугун ғалаба қозониш муҳим эди ва биз буни уддаладик... Асосийси биз яхши ўйнадик. Бироқ хулоса қилишга ҳали эрта, чунки мавсум энди бошланди.

Бизда кўплаб ёш футболчилардан иборат таркиб жамланди ва улар жараёндан завқ олишмоқда. Бу ерда эканлигимдан бахтлиман ва барчаси мени қаноатлантирмоқда. Клубдаги одамлар, мухлислар, жамоа..."