RU

Последние новости

02:55АПЛ. "Челси" "Брайтон" майдонида йирик мағлубиятни қабул қилиб олди  13 00:47Шенсни яна бир мавсумга "Барселона"да қолиши мумкин  0 00:08"Ливерпуль" футболчиси ПСЖга ўтиш вариантини ўрганмоқда  1 23:31МЮ ва "Арсенал" португалиялик иқтидорга қизиқиб қолди  0 23:00Ўртоқлик ўйинлари. "Сўғдиёна" мағлубиятга учради, "Қизилқум" ва "Насаф"да дуранг  0 22:33"Локомотив" Қозоғистон миллий терма жамоаси билан дуранг ўйнади  4 22:08CAFA аёллар футзал мусобақаси. Ўзбекистон бу сафар Тожикистонга 8та гол урди  0 21:32Рюдигер, Алаба ва Васкес "Манчестер Сити" билан Чемпионлар лигаси ўйинига тикланади  24 21:02"Бавария"да Мусиаланинг товон пули 2029 йилнинг ёзидан 175 млн евродан 100 млн еврога тушади  9 20:35"Реал" Саудия Арабистонидан қизиқиш бўлаётган Винисиуснинг келажаги бўйича қарор қабул қилди  10 20:10Дешам: "Зидан – Франция терма жамоаси бош мураббийи лавозими учун ажойиб номзод"  12 19:47"Барселона" ва "Реал" афсоналари Мексикада тўқнаш келади  1 19:24Оллоберган Каримов: "Индонезия билан Эрон ўзаро ўйинда бир-бирига қарши муносиб ўйин кўрсатди"  3 19:01"Динамо" Арманистоннинг 2 карра чемпионига имкониятни бой берди  2 18:41Аканжи операция қилинади ва узоқ вақт майдонга тушмайди  11

Филип Иванович: "Бутун эътиборимни "Навбаҳор" иштирокидаги ўйинларга қаратганман. Бошқа ерга кетишни хаёлимга ҳам келтирмайман" Новости

Филип Иванович: "Бутун эътиборимни "Навбаҳор" иштирокидаги ўйинларга қаратганман. Бошқа ерга кетишни хаёлимга ҳам келтирмайман"

Наманган жамоасининг сербиялик ҳимоячиси Филип Иванович 2018-2021 йилларда Озарбайжоннинг "Сабаҳ" (Масазир) клубида тўп тепиб, мазкур жамоа аъзоларини сардор сифатида майдонга олиб тушган ва озарбайжонлик футбол мухлисларига яхши таниш.

Шу боис, Озарбайжоннинг azerisport.com мухбири Юсиф Алиев Филип Ивановичдан интервью олди. Қуйида мазкур суҳбатнинг "Навбаҳор" ҳамда юртимиз футболига оид қисмларини эътиборингизга ҳавола этамиз.

- Филип, аввало, сизни жамоангиз Осиё Чемпионлар Лигаси 1/8 финалига чиққани билан табриклаймиз. Ўзбекистондаги фаолиятингиз яхши кечаётганга ўхшайди...

- Табрик учун раҳмат. Ҳа, ҳаммаси яхши кечмоқда. Биз муваффақиятга эришиш, бизга билдирилган ишончни оқлашга ҳаракат қиламиз. Гарчи гуруҳимиз анча кучли бўлса-да, кейинги босқичга йўл олишга муваффақ бўлдик.



- "Навбаҳор"нинг гуруҳидан Неймар ва Александр Митрович сингари футболчиларга эга Саудия Арабистонининг "Ал Ҳилол" жамоаси ҳам жой олганди. Бундай таниқли футболчиларга қарши ўйнаш қандай бўлди?

- Менга Чемпионлар Лигасида шундай футболчиларга қарши ўйнаш ҳам завқ, ҳам катта тажриба берди. Биз жуда яхши жамоа эканлигимизни намойиш этдик. Сафарда "Ал Ҳилол"га қарши кечган баҳсда ғалаба қозонишга жуда яқин тургандик. Бироқ рақиб охирги дақиқаларда ҳисобни тенглаштирди. Бошқа учрашувларда ҳам яхши ўйин кўрсатдик. Натижада пешқадам "Ал-Ҳилол"дан бор-йўғи 3 очко ортда қолиб, гуруҳдан чиқдик.

Плей-офф босқичида Карим Бензема, Н`Голо Канте ва Фабиньо тўп тепадиган Саудия Арабистонининг "Ал Иттиҳод" клуби билан тўқнаш келишимиздан хабарингиз бўлса керак. Ушбу босқичда биз зафар қучиш учун қўлимиздан келганича ҳаракат қиламиз. 



- Сизга Озарбайжондан ҳам таклифлар бўлдими?

- "Навбаҳор" клуби билан тузилган шартномам жорий мавсум охиригача амал қилади. Чемпионлар Лигасининг 1/8 финалига чиқдик. Шу боис, жамоани  ўзгартириш ниятим йўқ. Бутун эътиборимни "Навбаҳор" иштирокидаги ўйинларга қаратганман. Бошқа ерга кетишни хаёлимга ҳам келтирмайман.

- Озарбайжон ва Ўзбекистон чемпионатларини таққослай оласизми?

- Ростини айтсам, таққослашни истамайман. Боиси, футбол ҳар куни ривожланмоқда. Бутун дунёда футбол ўйнашни билишади.

Таъкидлаш жоизки, Озарбайжон ва Ўзбекистон чемпионатларида тўп тепиш мен учун катта тажриба. Қолаверса, ушбу мамлакатлар лигаларида ўйнаш мароқли.

Рейтинг: +7   

Комментарии

championat.asia
< посмотреть последние новости
Яндекс.Метрика