RU

Последние новости

16:13"3 февралдан 25 февралгача Туркияда йиғин қиламиз. Мухлисларни қизиқ учрашувлар кутиб турибди" — Рўзиқул Бердиев  0 15:46"Нефтчи" Сербия жамоаси билан дуранг ўйнади, Табатадзедан гол  2 15:19"Барселона" Рафинья масаласини мавсум охирида кўриб чиқади  1 14:53"Манчестер Сити" Камбьязо учун 65 млн евро таклиф қилмоқчи  3 14:29"Манчестер Сити" – "Челси" ўйини учун тахминий таркиблар. Абдуқодир Ҳусанов дебют қиладими?  26 14:05"МЮ ва "Ливерпуль" ҳар доим АПЛнинг энг йирик клублари бўлиб қолади"  4 13:39"Манчестер Сити" 135 млн фунт сарфлаганидан кейин ҳам яна бир футболчи сотиб олмоқчи  10 13:15Элдор Шомуродов жамоасига "Аякс"дан ҳимоячи келди  3 12:51МЮ "Арсенал" ҳимоячиси билан шартнома тузмоқчи  0 12:28ФИФА собиқ рефериси Қирғиз Республикаси футзал ассоциациясининг президентига айланди  0 12:08"Ҳар қандай ҳолатда ҳам Россия клуби таклифини рад этардик". Ҳусановнинг агенти билан катта суҳбат  17 11:50Фарҳод Нишонов: "Якуний таркиб аниқ. Шундай даражага чиқдикки, рақиблар бизни жиддий ўрганмоқда"  3 11:22"Реал" — ўтган мавсумда дунёнинг энг кўп даромад кўрган клуби  20 10:51"Эвертон" янги стадионини эълон қилди  11 10:15Интервью. Шукрон Йўлдошев: "Кўпроқ ўйин амалиётини истадим, "Навбаҳор"га ўтишим кутилганидан тез бўлди"  2

ФИФА соврини. Энг яхшилар ҳақида билишимиз керак бўлган бешта нарса Новости

ФИФА соврини. Энг яхшилар ҳақида билишимиз керак бўлган бешта нарса

Шу йилнинг 23 октябрь куни Лондонда ФИФА 2017 йилги мавсумнинг энг яхшиларини тақдирлаш маросимини ўтказади. Бунда 9та номинация бўйича энг яхшилар аниқланади.

ФИФА овоз бериш жараёни бошланишига кам вақт қолаётган бир пайтда ҳамма эътибор бериши керак бўлган бешта нарсани эслатиб ўтди. 

Биринчи билишимиз керак бўлган нарса - Номинациялар

Албатта, ҳозирданоқ совринларни ким ютиши маълум эмас, аммо ҳар бир йўналиш бўйича даъвогарлар етарлича. Дастлаб қайси йўналишлар бўйича энг яхшилар аниқланишини келтириб ўтсак. (Буларнинг ҳаммаси ФИФА таснифига кўра амалга оширилади). 

1. 2017 йилнинг "Энг яхши эркак футболчиси"

2. 2017 йилнинг "Энг яхши аёл футболчиси"

3. 2017 йилнинг "Энг яхши эркаклар мураббийи"

4. 2017 йилнинг "Энг яхши аёллар мураббийи"

5. 2017 йилнинг "Энг яхши дарвозабони" (бу соврин янги қўшилди)

6. 2017 йил Пушкаш соврини соҳиби (Энг чиройли гол эгасига берилади) 

7. 2017 йил "Фейр плей" соҳиби 

8. 2017 йил "Мухлис" соврини 

9. 2017 йилнинг рамзий терма жамоаси 

Иккинчи билишимиз керак бўлган нарса - Амалдаги ғолиблар 

Якунига етган 2016 йилги футбол мавсуми учун тақдирлаш маросими 9 январь куни Цюрихда бўлиб ўтганди. Навбатдагиси Лондонда ташкил этилади ва шу пайтгача бўлиб келган 8та йўналиш ўрнига тўққизинчиси ҳам қўшилган. Яъни, бу йил "Энг яхши дарвозабон" номи ҳам эълон қилинади.

Шу ўринда 2016 йилнинг энг яхшиларни ёдга олиб ўтамиз. 

Криштиану Роналду - Энг яхши футболчи 

Карли Ллойд - Энг яхши аёл футболчи 

Клаудио Раньери - Энг яхши мураббий 

Сильвиа Нейд - Энг яхши аёл мураббий 

Моҳд Фаиз Субри - Пушкаш соврини соҳиби 

"Атлетико Насьонал" -  "Фейр плей" соҳиби

"Боруссия Дортмунд ва "Ливерпуль" мухлислари - Энг яхши мухлислар 

Рамзий терма жамоа: Мануэль Нойер, Дани Алвеш, Херард Пике, Серхио Рамос, Марсело, Лука Модрич, Тони Кроос, Андрес Иньеста, Лионель Месси, Луис Суарес, Криштиану Роналду. 

Учинчи билишимиз керак бўлган нарса - Соврин 

Энг яхши мураббий ва футболчига топшириладиган соврин платинадан ясалган бўлиб, оғирлиги 6,4 кг. ни ташкил этади. Уни хорватиялик санъатчи Ана Бирбич ясаган. Совриннинг узунлиги 31 см. 

Тўртинчи билишимиз керак бўлган нарса - Шаҳар 

Ўтган мавсумда энг яхшилар Цюрихда аниқланганди, бу гал тақдирлаш маросими Лондонда бўлиб ўтади. Маълумки, Англия футбол ватани ҳисобланади, шу боис ФИФА раҳбарлари Лондонни маъқул кўришди. 

Бешинчи билишимиз керак бўлган нарса - Овоз бериш жараёни 

Албатта, овоз бериш жараёни қай тартибда бўлиб ўтиши кўпчиликка қизиқ. Янгилик сифатида шуни айтиш мумкин, бу йилдан мухлислар ҳам овоз бера олишади. Мухлислар учун овоз бериш жараёни FIFA.com сайтида амалга оширилади. Овоз беришга номзодлар рўйхати 17 август куни эълон қилинади. Овоз бериш жараёни 21 августдан 7 сентябрга қадар давом этади.

Агар овоз беришни 100 фоиз деб оладиган бўлсак, овоз бериш тўрт соҳа вакиллари ўртасида 25 фоиздан тенг тақсимланади. 

Миллий терма жамоалар сардорлари - 25 фоиз 

Миллий терма жамоалар бош мураббийлари - 25 фоиз 

ОАВ ходимлари - 25 фоиз 

Мухлислар - 25 фоиз 

Шунингдек, мухлислар сайт орқали Пушкаш номидаги энг чиройли голга ва энг яхши мухлисларга ҳам овоз беришлари мумкин. "Фейр плей" билан "Энг яхши дарвозабон"ни, шунингдек йилнинг рамзий терма жамоасини аниқлаш эса тўлиқ ФИФА экспертлари зиммасидаги иш ҳисобланади. 

Қуйида 2016 йилнинг Энг яхшиларини тақдирлаш маросимидан фотосуратларни эътиборингизга ҳавола этамиз. 









Рейтинг: +3   

Комментарии

championat.asia
< посмотреть последние новости
Яндекс.Метрика