ФИФА футбол агентлари борасида янги қарор чиқарди

Энди «футболчининг агенти» номи «воситачи»га ўзгартирилди, деб хабар бермоқда ИТАР-ТАСС.

2015 йилнинг 1 апрелидан кучга кирадиган қонунга кўра футболчилар клублар ёки махсус тузилган компанияларга тегишли бўлишади. Шу вақтдан бошлаб воситачилар барча трансферларни ўз мамлакати федерациясида рўйхатдан ўтказиши керак, муаммоли вазиятлар эса фуқаролик судлари орқали ечилади.

Воситачилар битта трансфердан 2 миллион доллар ва футболчинин йиллик маошидан 3 фоизидан кўпроғини олишга ҳаққилари бўлмайди.

Олдинроқ ФИФА агентлик бонусларига чеклов қўймаганди, бунга қадар агентлар футболчининг йиллик маошининг 10 фоизигача пул олишлаи мумкин эди.

Футболчилар ва клублар федерацияга воситачи олаётган барча пуллар ҳақида маълумот тақдим этишлари шарт. Федерациялар эса ҳар йили ФИФАга ҳужжатларни топширишади.

Бундан ташқари балоғат ёшига етмаган футболчилар трансферидан бонуслар олиш таъқиқланади.