Феруза Жўрабоева: "Келажакда яхши шакланган ва рақобатбардош жамоага айланмоқчимиз"
08 сен 2018 20:10
Новости

Феруза Жўрабоева: "Келажакда яхши шакланган ва рақобатбардош жамоага айланмоқчимиз"

Аёллар футболи. Ўзбекистон чемпионати 20-туридан ўрин олган “Нефтчи-W”- “Қўқон 1912-W” (3:0) учрашувидан сўнг меҳмонлар сафида энг яхши деб топилган Феруза Жўрабоева “championat.asia” сайтига интервью берди.

Бугунги учрашув биз кутгандек бўлмади. Учрашувга жиддий ҳозирлик кўргандик, лекин ўйиндан олдинги тайёрлаган режамизни амалга ошира олмадик.

Таркибимизга янги келиб қўшилган футболчилар ва дарвозабонимиз томонидан йўл қўйилган хатолар эвазига мағлуб бўлдик. Таблода ҳисоб 3:0, биз ютқаздик.
Жамоамиз бу йилги мавсум бошидан ташкил топган, таркибимиз янги, шу сабабли кўплаб ўйинларда мағлуб бўлаяпмиз. Муҳими тажриба тўплаяпмиз, футболда дўстлар орттираяпмиз, келаси мавсумдан яхши шаклланган ва рақобатбардош жамоага айланамиз деб ўйлайман.

Келажакда ўз устимда кўпроқ ишлаб, жамоа ривожига ҳиссамни қўшмоқчиман. Таркибимизга янги келиб қўшилган жамоадошларимизга футбол борасидаги билимларимни ўргатиб боришга, мураббийларимизга ёрдам беришга мунтазам ҳаракат қилаяпман. Бизга ишонган ва жамоамиз шаклланишига ҳиссаларини қўшаётган мураббийлармизга, раҳбарларга миннатдорчилик билдираман.

Бекзод Толибов ёзиб олди.