Фахриддин Алимов: "Янгиер"га барчаси учун раҳмат айтаман"
03 ноя 2021 13:33
Новости

Фахриддин Алимов: "Янгиер"га барчаси учун раҳмат айтаман"

Жорий мавсумни дастлаб Самарқанднинг "Динамо" клубида бошлаган ва давралар оралиғида "Янгиер" сафига қўшилган ҳужумчи Фахриддин Алимов сайтимизга қисқача интервью берди.

"Янгиер" - "Арал-Самали" (2:0) учрашуви ҳақида

- "Арал-Самали"га қарши бўлиб ўтган ўйин ҳақида айтадиган бўлсам, мавсумнинг сўнги ўйинида ҳавонинг совуқлигига қарамасдан бизни қўллаб-қувватлаш учун стадионга келган мухлисларимизга миннатдорчилик билдираман. Биз улар учун ўйнашимиз ва ғалаба қозонишимиз шарт эди. Нукусликлар билан жуда қизиқарли ва курашларга бой ўйин бўлди.

Ушбу учрашувнинг иккинчи бўлимида захирадан ўйинга қўшилдим ва гол урдим. Албатта, жамоамиз ғалабаси учун ўз ҳиссамни қўшганимдан хурсандман. Барча мухлисларимизни яна бир бор ғалаба билан табриклайман.

- Фахриддин, айни дамда сизнинг "Динамо" клуби билан шартномангиз мавжуд. Самарқандликлар жорий мавсум якунларига кўра Суперлига йўлланмасига эга чиқишди. Келгусидаги режаларингиз қандай?

- Аввало давралар оралиғида мени ўз жамоасига таклиф қилган "Янгиер" бош мураббийи Бекзод Қодирқулов ва мураббийлар штабига миннатдорчилик билдираман. Шунингдек, мавсум давомида жамоани ёлғизлатиб қўймаган ва ҳамиша қўллаб-қувватлаб келган мухлисларимизга барчаси учун раҳмат айтаман.

Ҳозирда мени ўз жамоасида кўришни истаган 3-4 та футбол клубларидан таклифлар бор ва эндиликда уларни кўриб чиқишга тайёрман.

Ссылка :

Источник : championat.asia

Получайте новости прямо в Telegram!

Рейтинг: +3