Фарруҳ Зокиров: "Назаримда, бизнинг терма жамоамиз ҳам футзал бўйича Осиё чемпионатида яхши иштирок эта олади”
03 фев 2022 19:56
Новости

Фарруҳ Зокиров: "Назаримда, бизнинг терма жамоамиз ҳам футзал бўйича Осиё чемпионатида яхши иштирок эта олади”

Тожикистон пойтахти Душанбе шаҳрида CAFA Women's Futsal Championship-2022 доирасида аёллардан иборат Ўзбекистон терма жамоаси ҳам иштирок этди.

Мазкур терма жамоа бош мураббийи сифатида Фарруҳ Зокиров ишлади. Хўш, турнирдан Зокиров қандай таассурот олди? Қуйида унинг фикрларига қулоқ тутамиз.

"Тожикистондаги футзал мусобақаси яхши ташкиллаштирилди. Бизда аёллар футзал чемпионати ўтказилмаётган бўлса ҳам, яхши натижага эришдик деб ўйлайман. Турнир давомида Эрон аёллар терма жамоаси менда яхши таассурот қолдирди. У ерда футзал чемпионати борлиги учун уларнинг савиясини кўриш қизиқ туюлди.
Бизда ҳам аёллар ўртасида футзал чемпионати ташкил қилиш мумкин, албатта. Дейлик, қишда футзал чемпионатини ўтказиш ҳар томонлама терма учун ҳам, футболчи қизлар учун ҳам фойдали. Натижада, футзал бўйича Осиё чемпионатида яхши иштирок эта оламиз. Мусобақада бизнинг футзалчи қизларимизда ҳам катта иштиёқ борлиги кўринди", – деб сўзини якунлади Зокиров.

Ссылка :

Источник : championat.asia

Получайте новости прямо в Telegram!

Рейтинг: +3