Фарҳод Тожиев: "Ўзбекистон бу Осиё Кубогида ҳар галгидан яхшироқ имкониятга эга"

Вакилларимиз гуруҳ босқичининг илк турида Сурияга қарши майдонга чиқади. Муҳим беллашувлар олдидан Ўзбекистон терма жамоасининг собиқ футболчиларига микрафон тутмоқдамиз. Буни ўқувчиларимиз сезиб улгуришган. Мусобақа старти олдидан таниқли собиқ ҳужумчи Фарҳод Тожиевнинг фикрлари билан қизиқдик. 

"Ҳозирда терма жамоамиз аҳил ва яхши ҳолатда, деб ўйлайман. Футболда бирдамлик кўп нарсани ҳал қилиши мумкин. Умуман олганда терма жамоамиз сўнгги баҳсларда ўз ўйини билан мухлисларни хурсанд қилмоқда. Мексика, Эрон каби кучли рақиблар билан ўйнай оляпмиз. Ёшлар ҳам ўзини кўрсатяпти. Ўйлашимча, бу Осиё Кубогида имкониятларимиз ҳар галгидан яхши. 

Шомуродовнинг йўқлиги барибир таъсири бўлади. Лекин қолганлар ўрнини билинтирмасликка интилади. Игорь Сергеев яхши формада. Ундан кўп нарса кутяпман. Бобир Абдихолиқов, Азиз Амонов ҳам рақобат қилишади. Юз фоиз ўрнини ёпа олмайди-ю, лекин ҳаракат қилишади",- дейди Фарҳод Тожиев. 

Маълумот учун, Фарҳод Тожиев Ўзбекистон терма жамоаси либосида 17та учрашувда майдонга тушган ва 5та гол урган. 

Абдулазиз Искандаров ёзиб олди