Фарғонада футзал мураббийлари учун ўқув курслари бўлиб ўтмоқда

Ўзбекистон Республикаси Президентининг 2019 йил 4 декабрдаги “Ўзбекистонда футболни ривожлантиришни мутлақо янги босқичга олиб чиқиш чора-тадбирлари тўғрисида”ги ПФ-5887-сонли Фармонининг ижросини таъминлаш мақсадида ҳамда Ўзбекистон футбол ассоциациясининг тақвим режаси асосида жорий йилнинг 2-7 сентябрь кунлари Фарғона шаҳридаги "Футбол маркази" биносида ОФКнинг “Level -1”футзал тренерлик лицензияси ўқув курсларига старт берилди. Ўқув курсини Ўзбекистон футбол ассоциацияси инструктори Фаррух Зокиров олиб бормоқда. Ўқув курси координатори Фарғона вилоят футбол ассоциацияси мутахассиси Равшан Мирзакаримов ёрдамлашмоқда.

ОФКнинг “Level -1” футзал тренерлик лицензияси ўқув курсида 15 нафар тренерликка номзод тингловчилар қатнашишмоқда. Улар ичида Ўзбекистон футзал терма жамоасининг ҳозирги ва собиқ футзалчилари Дилшод Раҳматов, Илҳом Юсуфжонов, Ғулом Мамажоновлар ҳам қатнашмоқда. Ўқув курси барча карантин қоидаларига амал қилинган ҳолда олиб борилмоқда.