Европадаги барча чемпионлар: элитадан то экзотика мамлакатларигача. Гегемонлик қайси мамлакатда ўзгарган ва қайси мамлакатда ўзгаришсиз қолди?

Барча чемпионлар билан танишинг

Австрия: "Штурм"

"Ред Булл"нинг гегемонлиги ўтган мавсум якунланганди ва бу мавсум ҳам давом этди. "Штурм" кетма-кет иккинчи ва тарихда бешинчи чемпионликни қўлга киритди.

Албания: "Эгнатия"

Қаторасига иккинчи чемпионлик. Энг яқин таъқибчидан икки очкога ўтиб кетди.

Арманистон: "Ноа"

Бир йил аввал чемпионлик учун икки очко етмаган "Ноа" жамоаси бу йил ўз мақсадига етди.

Озарбайжон: "Қорабоҳ"

Қаторасига бешинчи чемпионлик. Энг яқин таъқибчиси "Зири"ни 15 очко ортда қолдирди.

Англия: "Ливерпуль"

Слотнинг дебюти омадли чиқди. Жамоа мавсум якунига 1 ой қолганида чемпионликни расмийлаштирди. Слот эса илк мавсумида чемпион бўлган 5-мураббийга айланди.

Андорра: "Интер Эскальдес"

Сўнгги беш йилдаги 4-чемпионлик.

Белгия: "Юнион"

Тарихий чемпионлик. 90 йилдан сўнг илк бор "Юнион" Белгия чемпиони бўлди. Жамоа сўнгги бор 1935 йилда чемпионликни қўлга киритганди.

Болгария: "Лудогорец"

Бу ерда чемпион 14-йилдан бери ўзгаришсиз қолмоқда. "Лудогорец" айни вақтда Европада қаторасига чемпион бўлиш бўйича етачки бўлиб турибди.

Босния: "Зриньски"

Бир йиллик танаффусдан сўнг "Зриньски" яна чемпионликни қўлга киритди. Бу жамоанинг 10-титули.

Венгрия: "Ференцварош"

Чемпионлик Робби Кин бошқарувида содир бўлди. Бу жамоанинг 7-қаторасига чемпионлиги.

Германия: "Бавария"

Харри Кейннинг илк чемпионлик титули. 2-ўриндан немис гранди 13 очко ўтиб кетди.

Гибралтар: "Линкольн"

Мавсумда атиги 1 тагина мағлубият. 

Греция: "Олимпиакос"

"Олимпиакос" Грецияда чемпион бўлиш бўйича рекордчи ҳисобланади. Уларнинг ҳисобида 48 та чемпионлик бор.

Дания: "Копенгаген"

Тарихдаги  16-чемпионлик. Жамоа иккинчи ўриндаги "Мидтьюлланд"ни бир очко ортда қолдириб кетди.

Исроил: "Маккаби Тель-Авив"

"Маккаби"нинг тарихдаги 26-ғалабаси.

Испания: "Барселона"

"Барселона" тарихидаги 28-чемпионлик. "Реал"га етиб олиш учун 8 та чемпионлик қолди.

Италия: "Наполи"

ТОП лигалар орасида фақатгина А Серияда чемпионлик охирги тургача аниқланмади. Сўнгги турда аниқланган чемпионликда "Наполи" тарихдаги 4-чемпионлигини қўлга киритди.

Кипр: "Пафос"

Тарихдаги илк чемпионлик.

Косово: "Дрита"

Сўнгги беш йилдаги илк чемпионлик. Тарихдаги 4-си. "Балкани"нинг 4 йиллик сериясини якунлашга эришди.

Лксембург: "Дифферданж 03"

Қаторасига 2-чемпионлик. 

Мальта: "Хамрун Спартанс"

Жамоа сўнгги беш йилда 4-марта кубокни боши узра кўтармоқда. Жамоа тарихда 11 марта мамлакат чемпионатида ғалаба қозонган.

Молдова: "Милсами"

Бу йил ҳам "Шериф" чемпионлик учун курашда мағлуб бўлди. "Мислами" 2015 йилдан сўнг илк бор яна чемпион бўлди. Бу жамоанинг тарихдаги 2-чемпионлиги.

Нидерландия: ПСВ

"Аякс" ўз "қўллари" билан чемпионликни ПСВга топширди. ПСВ қаторасига 2-чемпионлигини қўлга киритди.

Полша: "Лех"

Чемпион номи сўнгги турда аниқланди. "Лех" қаторасига 2-чемпионлигини, тарихдаги 9-сини қўлга киритди.

Португалия: "Спортинг"

Рубен Аморимнинг МЮга кетиши "Спортинг"га чемпионликни қўлга киритишга қаршилик қилмади. Жамоа қаторасига 2-чемпионлигини қўлга киритди.

Россия: "Краснодар"

Бу воқеа Россияда ниҳоят содир бўлди. Жамоа илк бор мамлакат чемпионлигини қўлга киритди. "Зенит"нинг гегемонлиги ниҳоят якунига етди.

Сан-Марино: "Виртус"

Ўтган йилги каби бу мавсум ҳам "Виртус" бош совринга эга чиқди.

Шимолий Ирландия: "Линфилд"

Уч йиллик танаффусдан сўнг яна "Линфилд" чемпион бўлди. Бу тарихдаги 57-чемпионлик.

Шимолий Македония: "Шкендия 79"

"Струги"нинг икки йиллик чемпионлигига барҳам берди ва 2021 йилдан бери илк бор мамлакат чемпионлигини қўлга киритди.

Сербия: "Црвена Звезда"

"Црвена Звезда" яна Сербия тахтини эгаллади. Мавсумда атиги битта мағлубият. 100 очко ва 123 та гол! Чемпионат якунига 7 та тур қолганида чемпионликни нақд қилди. 

Словакия: "Слован"

"Слован" қаторасига 7-марта мамлакат чемпионлигини қўлга киритди.

Словения: "Олимпия Любляна"

Бу жамоа учун 8-мамлакат чемпионлиги ҳисобланади.

Туркия: "Галатасарой"

Моурнинг "Фенербахче"га келиши ҳам "Галатасарой"нинг чемпион бўлишига қаршилик қила олмади. Истанбул жамоаси тарихдаги 25-чемпионлигини қўлга киритди.

Украина: "Динамо" Киев

Тарихдаги 17-чемпионлик. Украина рекорди соҳиби. "Динамо" 4 йиллик танаффусдан сўнг яна чемпион!

Франция: ПСЖ

Мамлакат гегемони. Жамоа тарихдаги 13-чемпионлигини қўлга киритди.

Хорвария: "Риека"

Тарихда иккинчи марта Хорватия чемпионатида ғалаба қозонди. "Динамо" Загребнинг 7 йиллик чемпионлигига чек қўйди.

Чехия: "Славия Прага"

"Спарта"нинг чемпионлик сериясини якунлашга эришди. Жамоа 4 йилда илк бор мамлакат чемпионлигини қўлга киритди.

Швейцария: "Базель"

8 йиллик танаффусдан сўнг "Базель" яна мамлакат чемпионлигини қўлга киритди. Жамоа етакчиси Жордан Шакири 18+20 натижаси билан чемпионат рекордини янгилади.

Шотландия: "Селтик"

Қаторасига 4-си, тарихдаги 55-чемпионлик. "Рейнджерс" бу сафар ҳам қаршилик қила олмади.

=