Европа клублари ўз ўйинчиларини Қатардаги Жаҳон чемпионатига фақатгина бир ҳафта қолганда қўйиб юборишади

L'Equipe нашрининг УЕФАнинг тегишли ҳужжатларига асосланиб хабар беришича, клублар ўз ўйинчиларини фақатгина 2022 йилнинг 14 ноябрь куни қўйиб юборишади. Жаҳон чемпионати эса 21 ноябрь куни старт олади. 13 октябрь кунлари чемпионатларда тур ўйинлари ўтказилишини ҳам қўшимча қилиш жоиз. Шундай қилиб, терма жамоаларда тўрт йилликнинг энг катта турнирига тайёрланиш учун бир ҳафтагина вақт қолади.

Эслатиб ўтамиз, Қатарда ўтказиладиган Жаҳон чемпионати 2022 йилнинг 21 ноябрь куни ўтказилиб, 18 декабрь санасида ўз якунига етади.