Европа футболида порлаган юлдузлар 10 йилда қандай ўзгаришди?

Келинг, биргаликда кўриб чиқамиз.

Гонсало Игуаин

2008 йил: Игуаин "Реал" заҳирасидан мустаҳкам жой олган пайти. Ўша даврда Рауль, Робиньо ва ван Нистелрой сингари футболчилар "Қироллик" клубини асосий қуроллари ҳисобланган.
2018 йил: "Реал", "Наполи", "Ювентус" билан 10та соврин ютганидан сўнг, Гонсало "Милан" клубида тўпурарлик маҳоратини кўрсатмоқда.

Златан Ибрагимович

2008 йил: Златан А Серияда ҳукмронлик қилган.
2018 йил: Ибра MLSда якка ҳоким бўлиб турибди. Айтганча, унинг бурнида бироз ўсиш бўлганини сездингизми? Златаннинг қиёфаси сезиларли ўзгарганини айтмасак ҳам бўлади.

Уэйн Руни

Расмни аралаштириб юбормадик. Шунчаки, Уэйн Руни чиндан ҳам 10 йил олдингига нисбатан яхшироқ кўринади.

2008 йил: Руни - "МЮ" юлдузи, ЕЧЛ соҳиби ва яна Англия матбуоти учун стимул бўладиган, тартиб-интизом масаласида муаммога эга футболчи.
2018 йил: Уэйн -  бир нечта ажойиб голлари орқали MLS юлдузи.

Криштиану Роналду

2008 йил: Роналду ўзиннинг биринчи ЕЧЛ финалига тайёргарлик кўрмоқда.
2018 йил: ЖЧда ўзининг фаолиятидаги "шедевр" голини уриш учун тайёрланаётган лаҳза. 9 йил "Реал" сафида тўп суриб, ҳамма совринларни қўлга киритди ва "Қироллик клуби"нинг афсонасига айланди.

Лионель Месси

2008 йил: Ҳали "Барселона"нинг асосий юлдузи эмас (асосий юлдуз Роналдиньо эди), лекин "Олтин тўп"га номзод.
2018 йил: 5 карра "Олтин тўп"соҳиби ва имиджидаги ўзгаришлар

Маруан Феллайни

2008 йил: Бельгиянинг "Стандард" клубидан "Эвертон" клубига 15 миллион фунт (клубнинг шахсий рекорд суммаси) эвазига ўтган.
2018 йил: Моуриньо у билан янги шартнома тузади. Энди 15 миллион фунт унинг нархи эмас, балки йиллик маоши ҳисобланади. Маруаннинг сочлари трансфер нархи каби ўсишга эришди.

Марсело

"Реал" раҳбарияти айтишича, Марсело ўсмирлик пайтида, агар уни "Реал Мадрид" клубида олиб қолишса, ҳеч қачон сочини олмасликка ваъда берган. Балки бу нотўғри бўлиши мумкин. Аммо, сўнгги 10 йилда Марселонинг сочлари сезиларли равишда ўсиб бормоқда.
2008 ва 2018: Марсело - "Реал"нинг асосий чап қанот ҳимоячиси.

Серхио Рамос

2008 йил: 22 ёшли Серхио Рамос - кучли ҳимоячи, Испания ва "Реал"нинг асосий ўйинчиси, шунингдек, узун сочлари билан машҳур.
2018 йил: Кўринишининг ўзи учрашувга таъсир этади.

Жоржио Кьеллини

2008 йил: Фаолиятида биринчи бор марказий ҳимоячи сифатида ўйнайди - бунгача чап қанот ҳимоячиси бўлган.
2018 йил: Бир ҳаваскор футбол клуби мураббийи айтишига қараганда, унинг бурни илм-фан учун қурбон бўлиши керак.

Гарет Бэйл

2008 йил: "Тоттенҳэм"нинг умидли чап қанот ҳимоячиси, 11 миллион фунт эвазига "Саутгемптон"дан ўтган эди.
2018 йил: "Реал"нинг ўнг қанот вингери, 100 миллион фунтдан қимматроқ ва тез-тез жароҳат олиб туради.

Арьен Роббен

2008 йил: Жароҳатлар қурбони - ўша мавсумда 5 маротаба жароҳат олган.  Соғлом бўлганида эса, "Реал"нинг етакчи ўйинчиси бўлган.
2018 йил: "Бавария" клубида ҳам озми кўпми худди шу ишни бажармоқда.

Давид Силва

2008 йил: Европа чемпионатида зафар қучди. Кейин оёқ тўпиғидаги жароҳати сабаб узоқ даволанди ("Сити"га ўтишидан икки йил олдин).
2018 йил: "Манчестер Сити"нинг сардори ва афсонаси. Шунингдек, Гвардиоланинг сўзларига кўра, ушбу клубни бошқаришининг асосий сабабчиси.

Диего Коста

10 йил давомида Диего ўзгармаган. Уни ҳеч қанақасига ўзгартириб бўлмайди.

2008 йил: "Альбасете" клубида ижарада ўйнаб, "Атлетико" асосий таркибига кириш учун тайёрланади.
2018 йил: "Атлетико" асосий таркибида, худди "Челси" жамоасида "командировка"да бўлмагандек.

Бонус

Лука Модрич умуман ўзгармаган. Сиз ушубу расмларни 10 йил ажратиб турганига ишонасизми?

championat.com сайтидан Нодир Абдурасулов тайёрлади