Евро-2024'да фақат жамоа сардори ҳакам билан баҳслаша олади

УEФА ҳакамлар қўмитаси раҳбари Роберто Розетти 2024 йилги Европа Чемпионати ўйинларида ҳакамга қарши норозилик билдирган ўйинчиларга қарши санкциялар қўлланилишини айтди.

Унга кўра, рефери билан фақатгина жамоа сардори вазиятни муҳокама қилиши мумкин. Бошқа ўйинчи бу ишни қилган тақдирда унга сариқ карточка кўрсатилиши белгиланмоқда.

Расмийлар шу орқали соғлом муҳит яратилиши, ҳакамнинг ўз қарорини аниқ ифода эта олишига ишонмоқда.