Евро-2024. Чорак финал йўлида чақмоқ ҳам Германияни тўхтата олмади!
30 июн 02:20
Новости

Евро-2024. Чорак финал йўлида чақмоқ ҳам Германияни тўхтата олмади!

Евро-2024 1/8 финал доирасидаги Германия — Дания ўйини бўлиб ўтди.

Евро-2024
1/8 финал
Германия - Дания
Голлар: 1:0 – 53, пенальти Хавертц, 2:0 – 68 Мусиала.

Германия – Нойер, Рюдигер, Шлоттербек, Раум (Хенрихс, 80), Кроос, Гюндоган (Фюллькруг, 65), Андрих (Джан, 64), Киммих, Хавертц, Сане (Антон, 88), Мусиала (Виртц, 81).

Дания – Шмейхель, Ба (Кристиансен, 81), Вестергор, Кристенсен (Бруун Ларсен, 81), Андерсен, Мэле, Дилэйни (Нергор, 69), Эриксен, Хейбьерг, Ольсен (Поульсен, 69), Хейлунд (Винд, 81).

Огоҳлантиришлар: Юлиан Нагельсман (59) — Каспер Юльманн (41), Александр Бах (57), Йоаким Мэле (60), Йоаким Андерсен (72).

Германия

Кай Хаверц - 53', Джамал Мусиала - 68'

ЕВРО - финал . Тур 1/8

30/06/2024, 00:00

Завершен

Дания

Стадион: BVB Stadion Dortmund, 61612 зрителей

Главный судья: Michael Oliver

45'

90'

Открыть в Матч-Центре

Ушбу саҳифада учрашувнинг матнли трансляциясини кузатишингиз мумкин бўлди.

ЯНГИЛАШ

90+6-дақиқа. Бўлди, Майкл Оливер финал ҳуштагини чалди ва Германия томошабоп ўйинда, чиройли ва ишончли ғалабани тантана қилди!

90+6-дақиқа. Жарима майдончасига узатма ва Нойер баланд сакраб тўпни эгаллаб олди.

90+5-дақиқа. Германия футболчилари бўш зоналарга катта тезликда қочиб кетишмоқда. Бу сафар Хаверцнинг зарбасидан кейин Каспер ишончли ҳаракат қилди. Бурчак зарбасидан наф чиқмади.

90+3-дақиқа. Даниянинг бурчак зарбасидан кейин Германия қарши ҳужумга қочиб кетди ва охирги ҳимоячи фаоллик кўрсатмаганида, яна битта гол кўрармидик.

"VAR"нинг қарорини кутамиз! Бу сафар ҳам гол бекор қилинди. Ўйиндан ташқари ҳолат!

90+1-дақиқа. ГОООООЛ! Захирадан майдонга тушган Вирц ҳам гол урганди, лекин...

90-дақиқа. Учрашувнинг асосий вақтига 5 дақиқа қўшиб берилди!

90-дақиқа. Германия ҳимояга ётиб олмасдан ҳам устунликни ушлаб қолишга ўйнаш мумкинлигини кўрсатиб бермоқда. Алоо, Англияни улаб беринглар!

Олмалиқда туғилган Антон "Евро" 1/8 финалида майдонга тушди.

88-дақиқа. Ўзгариш! Лерой Сане учун ўйин якунланди. Унинг ўрнига Антон Вальдемар жангга ташланди.

85-дақиқа. Ҳужумга шошилаётган Дания ҳимоядан чиқишда узатмада хатога йўл қўйди.

83-дақиқа. Германия ҳисобни йирик кўринишга келтириб қўйиши мумкин эди. Бироқ Никлас имкониятдан унумли фойдалана олмади, қўшимчасига ўйиндан ташқари ҳолат ҳам бор экан.

81-дақиқа. Ўзгаришлар! Дания таркибида Томас Делаини, Расмус Хойлунд ва Александер Бах ўрнига Якоб Бруун Ларсен, Виктор Кристансен ҳамда Йонас Винд ўйинга қўшилди.

80-дақиқа. Ўзгаришлар! Мусиала ва Раум ўрнини Вирц ҳамда Бежамин Хенриксга бўшатиб берди.

80-дақиқа. Тўп узатишдаги хато туфайли Даниянинг ҳужуми узилиб қолди.

77-дақиқа. Сал қолса Рюдигер мусобақадаги иккинчи ~~авто~~голини уриши мумкин эди.

75-дақиқа. Дания бурчак зарбаси ишлаб олди. Бунинг учун Шлоттербекка "раҳмат".

72-дақиқа. Раумга нисбатан фол ишлатишди.

69-дақиқа. Ўзгариш! Андрес Сков Олсен ўрнига Юссуф Поулсен майдонга туширилди.

68-дақиқа. ГООООООЛ! Жамал Мусиала чап қанотдан катта тезликда олдинга ўтиб кетди ва ажойиб зарбаси билан орадаги фарқни иккитага оширди. Нозик дидли узатма соҳиби эса Нико Шлоттербек!

66-дақиқа. Хойлунд яна бир қулай имкониятни кўкка совурди. Ҳужумчи тўпни тўғри Нойер турган жойга йўллади.

65-дақиқа. Ўзгариш! Андрих ўрнига Никлас Фюллькруг тушди.

64-дақиқа. Ўзгариш! Илкай Гюндоган ўрнига Эмре Жан ўйинга қўшилди.

64-дақиқа. Кай Хаверц ўйиндан ташқари ҳолатда қолиб кетгани маълум бўлмоқда.

62-дақиқа. Мусиала тўпни олиб қўйишда ҳам фаол. "Бавария" футболчиси меҳнатдан қочмаётганини таъкидлаш зарур.

60-дақиқа. Огоҳлантириш! Фолдан ҳам кўра кўпроқ, норозлигини очиқчасига намойиш қилгани учун Йоаким Мэлега карточка.

59-дақиқа. Кай Хаверц ажойиб тарзда тўпни ўзига тўғрилаб олди ва зўр вазиятга чиқиб кетди. Лекин охирги зарба футболчининг кўнглидагидек чиқмади.

57-дақиқа. Огоҳлантириш! Тўп учун ҳаводаги курашда Андрих ва Бах кураш олиб боришганди, тўқнашувдан кейин бах этган овоз эшитилди. Шу боис, ҳакам Александер Бахга карточка кўрсатди.

56-дақиқа. Дания прессинг эвазига тўпни олиб қўйди.

53-дақиқа. ГООООООООЛ! Кай ишончли тарзда имкониятдан фойдаланди ва ваниҳоят бекор қилиб бўлмайдиган гол урди!

53-дақиқа. Зарбани Кай Хаверц амалга оширмоқчи.

Англиялик ҳакам вазиятни такроран кўриб, тўп ҳозиргина голи бекор қилинган Йоаким Андерсеннинг қўлига текканини қайд этди. ПЕНАЛЬТИ!

51-дақиқа. "VAR" бу сафар Оливерни монитор олдига чақирди.

50-дақиқа. Аммо, лекин, бироқ... Бу сафар ҳам "VAR" голни бекор қилди — ўйиндан ташқари ҳолат.

~~48-дақиқа. ГОООООООЛ!~~ Кутилмаганда, ҳисобни Дания очмоқда! Яна ким, марказий ҳимоячилардан бири Йоаким Андерсен жамоасини ҳисобда олдинга олиб чиқди.

47-дақиқа. Рюдигер рақибнинг эҳтимолий ўта хавфли ҳужумини узиб қўйди.

46-дақиқа. Иккинчи тайм бошланди! Уни Дания бошлаб берди.

45+1-дақиқа. Ҳакам узоқ давом этган биринчи бўлимга 1 дақиқа қўшиб беришга қарор қилди ва ушбу дақиқада айтарли ҳеч нима бўлмади. Танаффус! Бироз дам оламиз.

45-дақиқа. Марказда тўпни олиб қўйган данияликлар ажойиб қарши ҳужум ташкиллаштиришди. Лекин Ману Нойер жамоасини муқаррар голдан қутқариб қолди.

44-дақиқа. Марказда Мусиалага нисбатан фол ишлатишди.

42-дақиқа. Шлоттербекнинг хатосидан кейин Хойлунд зарба учун қулай имкониятга эга бўлганди, аммо Расмус ундан унумли фойдалана олмади.

41-дақиқа. Огоҳлантириш! Учрашувдаги биринчи сариқ меҳмонлар устози Каспер Юльманнга насиб қилди.

37-дақиқа. Хавфли вазиятлар! Кетма-кет икки бор немислар ҳисобни очиши мумкин эди. Бироқ биринчисида Шмейхел тўп йўлига тўғаноқ бўлди, такрорий уринишга аниқлик етишмади.

Каспер Шмейхел тўпни ўйинга киритиб берди.

Демак, давом этамиз!

Оливер бўлди, бошлаймиз деди. Ҳамма ва ҳаммаси тайёр.

Футболчилар майдонга қайтишди. Яна бошидан чигилёзди машқлари бажарилмоқда.

Ҳаммаси жиддийга ўхшайди, ҳар ҳолда ҳакамлар, терма жамоалар аъзолари трибуна остига йўл олишди... Расмий маълумот эса қуйидагича: Ўйин об-ҳаво яхшилангунига қадар тўхтатилди.

35-дақиқа. Майкл Оливер ноқулай об-ҳаво шароити туфайли ўйинни тўхтатишга қарор қилди.

Миллий терма жамоа гол уравермагач, Германия кўз ёш тўкмоқда...

31-дақиқа. Эриксеннинг зарбаси жонли деворга тегиб қайтди, такрорий уринишда ҳам узатма аниқ чиқмади.

30-дақиқа. Жарима майдончасига кираверишда Мэлени рақиб ярим ҳимоячиси Андрих анча кескин кутиб олди. Дания учун ажойиб имконият.

24-дақиқа. Меҳмонларнинг ҳужумини Мэле кучли зарбаси билан якунлади, аммо унинг уринишига аниқлик етишмади.

21-дақиқа. Кристиан Эриксен йўқ жойдан ўзига вазият яратди, лекин Рюдигер унга қарши ишончли ўйнади.

18-дақиқа. Дания тўпни назорат қилмоқда.

16-дақиқа. Тўп олдида Тони Кроос ва унинг зарбасидан кейин Янник Вестегор боши билан қалқон бўлди.

15-дақиқа. Лерой Сане қарши ҳужумда тезлигини ишга солиб, марказдан жарима майдончаси томон ёриб кириб кетаётганида йиқилди, Оливер жарима зарбаси белгилади.

13-дақиқа. Мусиала жарима майдончасига кирмай, зарба берди, лекин унинг уринишига аниқлик етишмади.

10-дақиқа. Рюдигернинг узун пасидан кейин Кай Хаверц тўпни ерга туширмай зарба йўллади, Каспер бу сафар ҳам ишончли ҳаракат қилди.

9-дақиқа. Германия ўйинни зўр темпда бошлади. Дания ҳозирча кетма-кет ҳужумларга қарши туришига тўғри келмоқда.

7-дақиқа. Киммихнинг "пушка"си ишга тушди. Лекин Каспер Шмейхел ҳам ажойиб сейв ижро этди.

Ўйин давом этади.

"VAR"ни эшитгач, ҳакам кўп чўзиб ўтирмай, голни бекор қилди.

4-дақиқа. ~~ГООООООООЛ!~~ Тони Крооснинг узатмасидан кейин Нико Шлоттербек боши билан тўпни дарвозага йўллади. Бироқ бош ҳакам шошмасликни сўрамоқда.

3-дақиқа. Бугун илк бор асосий таркибда пайдо бўлган Раум жамоасига бурчак зарбаси ишлаб берди.

1-дақиқа. Ўйин бошланди! Уни немислар бошлаб беришди.

Мамлакатлар мадҳиялари янгради. Сардорлар ва бош ҳакам расмий ишларни ҳал қилиб олишди.

Асосий таркиб аъзолари майдонга тушиб келишди.

Ҳар икки жамоанинг асосий таркиблари маълум.

Ссылка :

Источник : championat.asia

Получайте новости прямо в Telegram!

Рейтинг: +3