Евро-2020 тугади. Европа миллий чемпионатлари қачон бошланади?

Энди барча клублар миқиёсидаги мусобақаларни кутишни бошлайди.

Хўш, Европада миллий чемпионат ўйинлари қачон старт олади?

16 июль куни Беларусь чемпионатида иккинчи давра старт олади. Бу мамлакатда бир қатор легионерларимиз тўп тепишмоқда.

Россия премьер-лигаси 23 июль куни бошланади. Яъни 10 кундан сўнг.

Францияда янги мавсум 8 августда бошланиши белгилаб қўйилган.

Англия премьер-лигасида янги мавсум 13 август куни "Брентфорд" - "Арсенал" ўйини билан бошланади. Роппа-роса бир ойдан кейин.

Германия бундеслигаси ҳам айнан 13 август санасида старт олади. Шу куни "Боруссия М" "Бавария"ни меҳмон қилади.

Испания ла лигасидаги илк ўйин ҳам 13 августга белгиланган. "Валенсия" - "Хетафе" учрашуви билан 2021/2022 йилги мавсум бошланади.

Европа чемпиони бўлган мамлакатда янги мавсум 22 августда бошланади. Ҳозирча Италия А сериясида дастлабки тур жуфтликлари маълум эмас.