RU

Последние новости

01:47Ансу Фати янги жамоаси учун тиббий кўрикдан ўтди  1 01:18"Атлетико" ёзги трансферлар учун жуда катта маблағ ишлатади  3 00:55Суперлига. "Насаф" сўнгги дақиқаларда ғалабани қўлдан чиқарди, "Динамо" эса сафарда ўн киши бўлиб зафар қучди  1 00:53Ҳусайн Норчаев: "Бугун ҳимояда чалкашликлар бўлди. Кейинги ўйинларда яхшироқ ҳаракат қиламиз"  0 00:29Шароф Муҳиддинов: "Футбол 90-дақиқадан кейин ҳам ўйналади"  3 23:58Брайан Риаскос: "Бу голлар тасодиф эмасди"  9 23:32Рўзиқул Бердиев: "Икки очко йўқотдик деб ўйлайман"  21 23:11Баҳром Ҳайдаров: "Футболчилар мураббийсиз ҳам ғалаба қозонса бўлади"  6 22:59Камолиддин Тожиев: "Фақат Сергеевга боғланиб қолмаганмиз"  8 22:36Вадим Абрамов: "Чемпионлик? Бу ҳақида сентябрь-октябрь ойларида гаплашамиз"  6 22:02Суперлига. "Динамо" 10 киши бўлиб Қўқонда ғалабага эришди  19 22:01Суперлига. "Пахтакор" сўнгги дақиқаларда "Насаф" дарвозасига иккита гол уриб, мағлубиятдан қутулиб қолди  181 20:15"Эвертон" 16 йиллик футболчиси билан шартномани узайтирди  0 19:4438 ёшли Жиру Францияга қайтади  3 19:18Рубен Невеш: "Манчестер Сити"га қарши жипс бўлиб ўйнашимиз шарт"  1

Евро-2020 саралаши. Англиянинг 43 ўйинлик серияси тўхтади, Украина зафар қучди, Роналду 94-голини урди Новости

Евро-2020 саралаши. Англиянинг 43 ўйинлик серияси тўхтади, Украина зафар қучди, Роналду 94-голини урди

Кеча, 11 октябрь куни Евро-2020нинг навбатдаги саралаш баҳслари бўлиб ўтди.

Англия терма жамоаси Европа чемпионатига чиқиш масаласини кечиктирди, Украина, Франция ва Португалия муҳим ғалабаларга эришгани ҳақида қисқача тўхталиб ўтамиз.



"А" гуруҳи

Чехия - Англия 2:1

Жума куни Англия Евро-2020 йўлланмасини нақд қилишга яқин эди, бироқ бу воқеа содир бўлмади. Меҳмонда ўйнаган инглизлар Гарри Кейннинг пенальтиси билан ҳисобни очишди. Бироқ ушбу гол Чехияни синдирмади ва улар инглиз жамоасининг саралашлардаги 43та ўйиндан иборат мағлубиятсиз сериясига нуқта қўя олишди. Ўртадаги мувозанатни Якуб Брабец тиклади. Захирадан майдонга тушган Зденек Ондрашек ўйин якунланишига 5 дақиқа қолганда Лукаш Масопустнинг узатмасини голга айлантириб, ўз жамоасига ғалабани тақдим этди.


Черногория - Болгария 0:0

Черногория ва Болгариянинг гуруҳдан чиқиш умидларини Подгорицадаги дуранг йўққа чиқарди. Мезбонлар биринчи бўлимда бир қатор вазиятлар яратиб, болгарияликлар посбони Пламена Илиевни тер тўкишга мажбур қилишди, бироқ гол содир бўлмади. Болгария терма жамоасида ҳам вазиятлар бўлди. Аммо учрашув голларсиз якунига етди.


"B" гуруҳи

Португалия - Люксембург 3:0

Европанинг амалдаги чемпионилари ажойиб футбол намойиш этишди ва учинчи ўриндаги Сербиядан 4 очкога узоқлашиб олишди. Баҳс бошида ҳисобни Бернарду Силва очди. Танаффусдан сўнг Криштиану Роналду терма жамоадаги ўзининг 94-голини урди. Ўйинга нуқтани Гонсалу Гедеш қўйди. Люксембург гуруҳдан чиқиш имкониятидан айрилди.


Украина - Литва 2:0

Украина терма жамоаси литваликларни ишончли ҳисобда мағлуб этиб, "B" гуруҳи етакчилигини сақлаб қолишди. Иккала голга Руслан Малиновский муаллифлик қилди. Ҳисоб йирикроқ кўриниш олиши мумкин эди, аммо Тарас Степаненко ва Андрей Ярмоленколарнинг голлари дарвоза устунига тегиб қайтди.


"H" гуруҳи

Исландия - Франция 0:1

Франция кетма-кет тўртинчи ғалабага эришди ва учинчи ўриндаги Исландия билан фарқни олти очкога етказди. Учрашувдаги ягона гол 37-дақиқада Оливье Жиру ҳисобига ёзилди. Жиру Антуан Гризманн ишлаган пенальтини голга айлантирди.

Туркия - Албания 1:0

Туркия терма жамоаси муҳим баҳсда албанияликларни таслим этди ва улар ҳам Франция каби исландияликлардан 6 очко узоқлашиб олишди. Баҳсдаги ягона гол сўнгги сонияларда урилди. Женк Тосуннинг зарбаси туркларга ғалаба олиб келди. Меҳмонлар сафида Рей Манай гол уришга яқин эди, аммо у яқин масофадан дарвозани ишғол қила билмади.


Андорра - Молдова 1:0

Андорра терма жамоаси тарихий ғалабага эришди. Улар Европа чемпионати саралашларида ўзининг дастлабки очколарини ишлаб олишди. Ғалаба тўпи Марк Валес ҳисобига ёзилди. Молдоваликлар турнирнинг финал босқичига чиқиш имкониятидан айрилишди.

Рейтинг: +8   

Комментарии

championat.asia
< посмотреть последние новости
Яндекс.Метрика