Евгений Валицкий 90 ёшда!

Жуда ҳам камтарин инсон бўлган Евгений Борисович турли йилларда ўзбек футболига кўплаб истеъдодларни тайёрлаб берган. Уларни номма-ном санаш шарт бўлмаса керак.

Валицкий клублардаги мураббийлик фаолияти бўйича ҳам айтишга арзигулик ютуқларга эришган. 1999 йили Тошкент вилоятининг “Дўстлик” жамоаси билан Ўзбекистон чемпиони бўлган. Собиқ иттифоқ йилларида “Пахтакор” ва “Нефтяник” клубларида муваффақиятли ишлаган.

Ўзбекистон Республикасида хизмат кўрсатган мураббийи Евгений Валицкий 1929 йилнинг 15 январь куни Тошкент шаҳрида таваллуд топган. Турли йилларда “Пахтакор” (Тошкент), “Спартак” (Андижон), “Спартак” (Қозоғистон), ”Нефтяник” (Фарғона), ”Лада” (Тольятти), ”Наврўз” (Андижон), “Дўстлик” (Тошкент вилояти) клубларида мураббийлик қилган. Геннадий Красницкий, Стадник, Биродар Абдураимов, Юрий Пшеничников, Аҳрол Иноятов сингари афсоналарни ўзбек футболига етказиб берган.