RU

Последние новости

15:10Мираброр Усмонов Кубоги-2025 мусобақаси тақдирлаш маросимидан ГАЛЕРЕЯ  0 14:55Аёллар Осиё Кубогига қуръа ташланди: Ўзбекистон КХДР билан беллашади  1 14:37БУМ! Ўзбекистон МТЖ ноябрь ойида Тошкентда жаҳон чемпионига қарши ўйнайди  19 14:26Ўзбекистон U-23 терма жамоаси хотира турнирида Японияга имкониятни бой берган ўйиндан ГАЛЕРЕЯ  0 14:13"Арсенал" Салиба билан шартномани узайтириш жараёнини тезлаштирди  1 13:40Мақсад U-23 Осиё кубогини ютишми ёки Олимпиадага чиқиш?   3 13:20Кичик Пеледан Марадона Жуниоргача: яшил майдонда омади чопмаган фарзандлар  3 12:55Ҳиндистон терма жамоаси CAFA мусобақасида Малайзия ўрнини эгаллайди  3 12:37Футбол фахрийси Гурам Дараселия вафот этди  3 12:32"Металлург" – сокинлик бағридаги юбилей  9 12:03Расман: "Бунёдкор" легионер ҳужумчи трансферини эълон қилди  3 11:45Муҳаммадали Усмонов: "Андижон" мухлисларининг бундай илиқ кутиб олиши бошқача қувонч ва хурсандчилик бағишлади"  1 11:22"Бу рассомни Ван Гог билан солиштиришга ўхшайди". Гвардиола Месси ва Ямаль ҳақида  4 10:54Санчо учинчи марта "Боруссия"га қайтиши мумкин  0 10:26"Пахтакор" ва "Бунёдкор" собиқ ҳужумчиси фаолиятини "Шўртан"да давом эттириши мумкин  8

Евгений Валицкий 89 ёшда, табриклаймиз! Новости

Евгений Валицкий 89 ёшда, табриклаймиз!

Ўзбек футболи фахрийларидан бири, мураббийлар маэстроси Евгений Борисович Валицкий 89 ёшни қарши олди.

Бу қутлуғ сана билан устоз Евгений Борисовични самимий табриклаймиз ва у кишига тинчлик хотиржамлик, сиҳат саломатлик тилаймиз!

Евгений Валицкий футболчилик фаолиятини Тошкентнинг “Спартак”, “Труд” жамоаларида ўтказган. 1961 йилдан бошлаб эса мураббийлик соҳасида хизмат қилиб келган. Тошкентнинг СКА, “Сокол” жамоаларида тажрибасини бойитди. Айнан “Сокол” жамоаси билан Қуролли Кучлар кубогини қўлга киритгач, 1963 йилги мавсумнинг “Пахтакор” стадионидаги очилиш учрашувида 60000 томошабин кўз ўнгида Евгений Валицкийга “Ўзбекистонда хизмат кўрсатган мураббий” фахрий унвони топширилган.


1964-1971 йиллар оралиғида мамлакатимизнинг бош жамоаси “Пахтакор”да ўша пайтнинг машҳур мутахассислари – Александр Абрамов, Михаил Якушин, Борис Аркадьев, Евгений Елисеев, Александр Келлер сингари мураббийларига ёрдам берган ва малакасини оширган. Маълум муддат Семипалатинскнинг “Спартак”, Актюбинскнинг “Актюбинец” жамоаларида фаолият юритгач, 1981 йилдан эътиборан яна Ўзбекистонга қайтган ва вилоят жамоаларининг тикланишида ўзининг муносиб ҳиссасини қўшган. Жумладан, Евгений Борисовичнинг саъйи ҳаракатлари билан “Нефтяник” (Фарғона), “Наримановец” (Хоразм), “Соҳибкор” (Ҳалқабод) жамоалари собиқ Иттифоқ биринчиликларида ўз ўрни, мавқеига эга бўлган. Жуда кўплаб шогирдлар етиштирди. Улар орасида ўз жамоаларига садоқат кўрсатган Юрий Саркисян, Рустам Мирсодиқов сингари мутахассислар бор.

1990 йилдан эътиборан Евгений Борисович ўз билим ва тажрибаларини шогирдлари қалбига чуқурроқ сингдириш мақсадида “Шахтёр” (Ангрен), “Умид” (Тошкент), “Навбаҳор” (Наманган),МҲСК (Тошкент), “Дўстлик” (Тошкент вилояти) жамоаларида бош мураббий ёрдамчиси бўлиб хизмат қилди. Шогирдлари билан биргаликда Ўзбекистон чемпиони, мамлакат кубоги соҳиби, совриндор бўлди. Нафақада бўлсада севимли касбини ташламади ва “Қизилқум”, “Металлург” жамоаларида ёшлар тарбияси билан шуғулланди.

Биз Евгений Борисовични барча ўзбек футболи мухлислари, мутахассислари ҳамда шогирдлари номидан таваллуд айёми билан яна бир бор самимий муборакбод этамиз ва бардамлик, хуш кайфият сизни асло тарк этмасин устоз, деб қоламиз!

Рейтинг: +4   

Комментарии

championat.asia
< посмотреть последние новости
Яндекс.Метрика