Эшитдик-да! "Хўжанд" футболчиси "Турон"га ўтди

Игор Шквирин бошчилигидаги "Турон" жамоаси иккинчи даврага тайёргарликни пойтахтда давом эттирмоқда. Жамоа таркибни кучайтириш борасида селекция ишларини қизғин равишда олиб борётганини таъкидлаш жоиз. Бизга етиб келган маълумотларга кўра, яйпанликлар таркибини Тожикистоннинг "Хўжанд" клуби футболчиси Фирдавс Чакалов билан тўлдириб олди. 

Маълумот ўрнида таъкидлаш жоиз ўнг қанот ҳимоясида ҳаракат қиладиган футболчи бу мавсум Тожикистон чемпионатида 11та учрашувда 1та гол урган ҳамда жамоадошининг 1та голига ассистентлик қилган. Жорий йилги ОФК кубогида эса 3та баҳсда иштирок этди. Легионер сифатида эса 2018 йилги мавсумда Малдив чемпионати иштирокчиси "Виктория СК" клубида тўп тепган.