Эшитдик-да! "Сурхон" - "Машъал" ва АГМК - "Сурхон" учрашуви ҳакамлари жазоланди

Эшитишимизга қараганда ПФЛ мазкур ўйинлардаги ҳакамликни кўриб чиқиш учун ЎФАга мурожаат қилган. Сабаби ҳакамларни ЎФА тайинлайди, ҳакамларга ўйинлар учун пулни эса ПФЛ тўлайди.

Клублар эътироз билдиришмаган бўлса-да ПФЛ шубҳали қарорлар қабул қилинган ўйинларни текшириш борасида ЎФАга мурожаат қилган, натижада юқоридаги икки ўйинда ишлаган қанот ҳакамлари бир нечта ўйинга четлатилган ва гонорарлари кесилган.

Айнан қайси ҳакамлар ва қайси хатолари учун четлатилгани ҳозирча бизга маълум эмас. ЎФА бу борада ҳозирча расмий маълумот бергани йўқ.

СУРХОН – МАШЪАЛ 2:2
Термиз. “Сурхон” спорт мажмуаси
Ҳакамлар: Акобирхўжа Шукруллаев, Руслан Серазитдинов, Сардор Нишонбоев, Тўрабек Суюнов.
Назоратчи: Андрей Клепиков
Комиссар: Ахмед Тиллаев

АГМК – СУРХОН 1:0
Олмалиқ. ОКМК спорт мажмуаси
Ҳакамлар: Рустам Лутфуллин, Абдуҳамидулло Расулов, Олим Абдувосилов, Абдурашид Худайберганов.
Назоратчи: Константин Смирнов
Комиссар: Эркин Бахтиёров