Эшитдик-да! "Пахтакор" футболчиси Европа клубига ўтишга яқин. Бу Диёр Холматов эмас
07 фев 2024 19:00
Новости

Эшитдик-да! "Пахтакор" футболчиси Европа клубига ўтишга яқин. Бу Диёр Холматов эмас

Ўзбекистон терма жамоаси ва "Пахтакор" клуби ярим ҳимоячиси Азиз Турғунбоев легионерга айланмоқда.

Championat.asia сайти маълумотига кўра, Осиё кубоги қаҳрамонларидан бири Азиз Турғунбоевга Туркиянинг "Сивасспор" клуби жиддий қизиқиб қолган. Футболчи эркин агент мақомида Туркия Суперлигасига кўчиб ўтишга яқин.

Маълумот учун, "Сивасспор" 1967 йилда ташкил этилган ва уй ўйинларини 27532 томошабинга мўлжалланган "Sivas 4 Eylül Stadium" стадионида ўтказиб келади. Жамоани айни пайтда маҳаллий мураббий Булент Уйгун бошқармоқда. "Сивасспор" айни пайтда Туркия Суперлигасида 24та турдан сўнг 30 очко билан мусобақа жадвалининг 10-поғонасида бормоқда.