Эшитдик-да! Ўзбекистон МТЖ сентябрда Иордания билан ўйнайди
04 авг 2019 15:03
Новости

Эшитдик-да! Ўзбекистон МТЖ сентябрда Иордания билан ўйнайди

Хабарингиз бор, 5 сентябрь куни ЖЧ-2022 саралаш босқичининг иккинчи раунд ўйинларига старт берилади.

Ўзбекистон миллий терма жамоаси дастлабки учрашувни шу куни сафарда Фаластин термасига қарши ўтказади. Қуръа жараёнида иккинчи саватчадан жой олганимиз боис 2-турда дам оламиз. Бу эса 10 сентябрга тўғри келади.

Эшитишимизга қараганда, 10 сентябрь куни Ўзбекистон ва Иордания терма жамоалари ўзаро ўртоқлик учрашуви ўтказишади. Фақат ҳозирча бу ўйин бўлиши ё бўлмаслиги, бўлган тақдирда қаерда ўтказилиши расман маълум қилинмаган.

Иордания терма жамоаси ҳам қуръадан олдин иккинчи саватчадан жой олгани боис 10 сентябрь куни дам олади. Шуни ҳисобга олган ҳолда ҳар икки терма жамоа ўзаро келишиб олган бўлиши мумкин. Эслатиб ўтамиз, Ўзбекистон МТЖ саралаш босқичида Фаластин, Яман, Сингапур ва Саудия Арабистони билан битта гуруҳдан жой олган.