Эшитдик-да! "Локомотив"ни тарк этган футболчига "Нефтчи" ва "Динамо" қизиқмоқда

Трансфер ҳуқуқи "Локомотив"га тегишди бўлган ва ортда қолган мавсумнинг 2-даврасини ижара асосида "Олимпик"да ўтказган чап қанот ҳимоячиси Мақсудхўжа Аълохўжаев "темирйўлчилар" сафини тарк этди. Қизиғи, клуб 2023 йилнинг январь ойида Аълохўжаев билан 3 йиллик шартнома тузилгани ҳақида хабар берган эди.

"Championat.asia" олган маълумотга кўра, Мақсудхўжага айни пайтда "Нефтчи" ҳамда "Динамо" клублари қизиқиш билдиришмоқда. Ҳар иккала клуб 20 ёшли ҳимоячини ўз таркибида кўрмоқда.

Маълумот учун, Аълохўжаев Суперлиганинг 2-давраси ва ўтиш беллашувларида "Олимпик" таркибида 13та ўйинда майдонга тушди ва 3та ассист қайд этди.