Эшитдик-да! "Бунёдкор" таркибига албаниялик ҳужумчи келиб қўшилди
12 июл 2024 11:18
Новости

Эшитдик-да! "Бунёдкор" таркибига албаниялик ҳужумчи келиб қўшилди

Суперлигада сўнгги ўринларда бораётган ва жон сақлаш учун курашаётган "Бунёдкор" таркибида ўзгаришлар давом этмоқда.

Куни кеча "қалдирғочлар" сафига албаниялик 26 ёшли ҳужумчи Луис Качорри келиб қўшилди. Бу ҳақда сайтимиз журналисти Абдулазиз Искандаров хабар бермоқда.

Маълумот учун, Италияда туғилган футболчи ўтган мавсумни Албания чемпионати вакили "Динамо Тирана" клубида ўтказган. 33 та ўйинда майдонга тушган Луис Качорри рақиблар дарвозасига 9 бор йўл топган.

Трансфермаркт портали унинг нархини 275 минг еврога баҳолаган.