Эртага Ўзбекистон U-19 ёшлари "Пахтакор" ўринбосарлари билан назорат учрашуви ўтказади
19 июл 2013 09:03
Новости

Эртага Ўзбекистон U-19 ёшлари "Пахтакор" ўринбосарлари билан назорат учрашуви ўтказади

Алексей Евстафеев бош мураббийлигидаги 1995 ва ундан кейинги йилларда туғилган футболчилардан ташкил топган Ўзбекистон ёшлар терма жамоаси (U-19) 16 июль куни Тошкент шаҳрида ўзининг навбатдаги ўқув-машғулот йиғинини бошлаган эди.

Ўзбекистон U-19 ёшлар терма жамоаси бош мураббийи Алексей Евстафеев мазкур йиғинга жами 25 нафар футболчини жалб этган. Машғулотлар Тошкентдаги Чиғатой ҳамда «ЖАР» стадионларида ўтказилмоқда. Терма жамоа йиғини 21 июль кунигача давом этади.

Эртага ушбу терма жамоа битта назорат учрашувини ўтказади. Терма жамоамизга спаринг-рақиб "Пахтакор" ёшлари бўлади.

Маълумот ўрнида, Ўзбекистон ёшлар терма жамоаси шу йилнинг 4-12 октбярь кунлари 2014 йили Мянмада бўлиб ўтадиган ёшлар ўртасидаги Осиё чемпионати саралаш баҳсларида иштирок этади. Ўзбекистон ёшлари саралаш баҳсларининг «А» гуруҳида Қатар, Туркманистон, Ҳиндистон ва Непал ёшлар терма жамоаларига қарши баҳс олиб борадилар. «А» гуруҳи баҳсларига эса, Қатар мезбонлик қилади.

Ссылка :

Источник : championat.asia

Получайте новости прямо в Telegram!

Рейтинг: