«Энфилд» стадиони. XX асрдан XXI асргача

Орадан 25 йил ўтиб эса стадиондан "Эвертон" фойдаланишни мақсад қилади. Жамоа хўжайинига "Прайори Роуд"даги шовқинлар ёқмаётганди.

Ўша пайтда стадион маҳаллий пиво ишлаб чиқарувчилар Жон Оррел ва Жон Холдингга тегишли бўлган. Клуб майдонни 100 фунт эвазига футбол ўйинларида фойдаланиш ҳуқуқини қўлга киритганди.
1884 йилда "Эвертон" янги стадионда илк ўйинини ўтказган. Ўшанда мезбонлар рақибни 5:0 ҳисобида мағлуб этгандилар.

Умумий ҳисобда "Эвертон" "Энфилд"да 7 йилни ўтказди. 1891 йилда жамоа ҳаттоки чемпионлик унвонини қўлга киритди. Шундан сўнг стадион эгалари майдоннинг ижара ҳаққини 250 фунтгача кўтаришга қарор қилишди. Бу эса "Эвертон" раҳбариятига маъқул келмади. Натижада эса жамоа "Энфилд"дан 765 метр узоқликдаги "Гудисон Парк"ка кўчиб ўтади.

Лекин, "қутлуғ жой қуруқ бўлмайди". Бу эса стадион эгасига янги клуб тузиш учун туртки бўлди. Жон Холдинг янги профессионал клуб яратмоқчи эди. Аввалига у янги клуб номини "Everton Football Club and Athletic Grounds Company Limited" номи билан рўйхатдан ўтказмоқчи бўлади. Бироқ Англия футбол ассоциацияси "Эвертон-2"нинг яратилишига қарши чиқади. Шунда Жон янги клуб номини шаҳар шарафига - "Ливерпуль" деб қўяди.

Шу тариқа "Энфилд" "Ливерпул"нинг уй стадионига айланган. Шу тариқа буюк клуб яратилган. Тарих шу тариқа ёзилган!

"Энфилд" стадиони турли йилларда:

sports.ru сайти асосида тайёрланди