Эктор Купер "Championat.asia"га: "Sorry"

Учрашувдан сўнг "Championat.asia" ходимлари терма жамоамиз бош мураббийи Эктор Купердан қисқа интервью олмоқчи бўлдик. Кийиниш хонасидан охирги бўлиб чиққан Купер бироз боши оғриётганини ва саволларимизга меҳмонхонада жавоб беришини айтди. Биз ҳам рози бўлдик ва "Le Grand Amman" сари йўл олдик. Меҳмонхонага терма жамоамиздан олдин етиб бордик. Тахминан ярим соатлардан сўнг меҳмонхона ресторанига кириб кетган мураббийнинг олдига бордик ва саволларимизни бермоқчи бўлдик. Эктор Купер эса бизга қараб - "Sorry", деб ресторандан чиқиб кетди. У бошқа бирорта сўз айтмади. Мураббийнинг биргина шу сўзи нимани англатишини ўзингиз англаб тургандирсиз...