Экспертлар комиссиясига қайси мураббийлар кирди?

"12 август куни Ўзбекистон футбол ҳакамлари маркази директори Лазиз Қўчқоров билан интервью уюштиргандик. Ўша суҳбатда баҳсли вазиятларни таҳлил қилувчи экспертлар комиссиясига холисликни таъминлаш мақсадида мураббийларни киритиш тўғрисида ўйланаётгани айтилганди. 

Шундан кейин бош мураббийлар овоз бериш йўли билан 3 нафар ҳамкасбларини комиссия аъзолигига сайлашган. Булар: Тимур Кападзе, Улуғбек Бақоев ҳамда Рўзиқул Бердиев.

"Олимпик" ва "Сўғдиёна" устози аллақачон комиссия ишида қатнашишни бошлаган. Бердиевнинг акредитацияси бекор қилингани, тажрибали мутахассиснинг ҳаракати Тартиб-интизом қўмитасида кўриб чиқилиши боис "Насаф" устози ҳозирча баҳсли вазиятлар таҳлилида қатнашмаяпти", — дейилади "футбол АНАЛИЗИ" каналида.