Эдгар Гесс: "Қийин ўйинлар ортда қолди, энди ғалабалар бошланади"

- Йигитлар, шошиб турибмиз, шу боис мени кўп ушлаб қолмайсизлар деган умиддаман - дея гап бошлади Эдгар Яковлевич. - Ўйин жуда қизиқарли бўлди, менинг назаримда. Иккинчи таймда биз устунлик қилдик. Ҳисобни тенглаштиришга ҳам муваффақ бўлгандик. Бироқ уни сақлаб қолишга кучимиз етмади. Йўлдаги толиқиш, бироз асаббузарликлар ҳам йигитларнинг кайфиятига таъсир кўрсатди шекилли (Изоҳ: “Бухоро” ФК автобуси тасмаси узулганлиги боис бироз ушланиб қолган).

- Ўзларингиз шоҳиди бўлдингиз, ўйинимиз ёмон эмас. Тўпни назоратда ушлаб турибмиз. Рақиб дарвозасига гол ураяпмиз. Бироз омад етишмаяпти. Футболчиларнинг жисмоний тайёргарлигидан нолимайман. Фақат иккинчи давра бошида тўртта қийин ўйин бор эди, шукур, улар ортда қолди. Энди ғалабаларимиз бошланиши керак.аутсайдерлар сафида бораётган асосий рақибларимиздан тўлақонли очколарни ола билсак, марра бизники. Натижадан ташқари чиройли ўйин кўрсатишни ҳам унутмаймиз - дейди Гесс.