Эдгар Гесс: "Мухлисларга гап йўқ"

"Ўйин икки хил таассурот қолдирди. Биринчи бўлимда гол урдик, ҳаракат яхши бўлди. Иккинчи бўлимда эса қурқув бўлди. Рақиб гол уриб ҳисобни қисқартирди. Абдумалик Абдуллаев олдинроқ гол уриб ўйин тақдирини ҳал қилиши керак эди. Мухлисларимизни табрикламоқчиман ва уларга раҳмат айтмоқчиман. Мухлисларга гап йўқ", - дейди Гесс.

- Учрашув охирида шогирдларингизда чарчоқ аломатлари сезилди.
- Тўғри чарчаган футболчи хато қилади. Абдумалик Абдуллаев оддий вазиятда тўпни дарвозабон устидан ташлади, ваҳоланки гол уриши керак эди. Жамоа ўйин охирида ёмон ўйнади деб айтмаган бўлардим. Жисмоний ҳолат эмас руҳият борасида ишлаш керак. "Андижон" футболчиларига ғолиблик руҳиятини сингдириш керак.

"Бухоро"да ишлаганман, лекин ҳозир уларда Александр Мочинов ишламоқда. У ёш қобилиятли мураббий, келажаги бор.