Эден Азар: "Месси ва Роналду каби супер юлдуз бўлмоқчиман"

23 ёшли иқтидор эгаси келажакда жаҳон даражасидаги юлдуз бўлишни исташини ва Месси, Роналду каби хурматга эришиш  ниятида эканини айтиб ўтди.

"Месси ва Роналду  жаҳондаги энг зўр футболчилар. Уларни ҳамма хурмат қилади ва ўйинларини севиб томоша қилади. Мен ҳам ўз устимда кўпроқ ишлаб, ушу икки футболчилар даражасига етмоқчиман. Бу шунчаки орзу эмас. Мен олдимга қандайдир мақсад қўйсам, ҳар доим ўша мақсадимга эришаман. Жаҳоннинг энг яхши футболчиси бўлишга ахд қилдим. Аммо шуни ҳам яхши тушунаманки, бу осон эмас. Ушбу ниятимга етишим учун қаттиқ меҳнат қилишимга тўғри келади. Лекин мен меҳнатдан чўчимайман. Ишонаманки, яқин йиллар ичида жаҳоннинг энг зўрлари қаторида бўламан", - деди белгиялик футболчи.

Азар ушбу ниятига етиш йўлида аста-секин олға қадам ташлаб бормоқда. Футболчи "аристократлар" сафида Премьер-лигада 24 та ўйин ўтказиб 9 та тўп киритишга муваффақ бўлди. Аммо у бундан-да кўпроғини истамоқда. Кўрамиз, унинг дунёдаги энг яхши футболчи бўлиш нияти амалга ошармикан…