ЕЧЛ. Парижда марказий ўйин, Мадридда тактик кураш, "Барселона" эса Роналдунинг собиқ жамоасига қарши (Превью)
27 сен 2017 17:05
Новости
![](https://championat.asia/upload/storage/280011_original.jpg)
![](/upload/storage/280011_220.jpg)
ЕЧЛ. Парижда марказий ўйин, Мадридда тактик кураш, "Барселона" эса Роналдунинг собиқ жамоасига қарши (Превью)
Гуруҳ пешқадамларининг ўзаро тўқнашувида ЦСКА "Манчестер Юнайтед" билан учрашади. Москвада меҳмон бўладиган "Манчестер Юнайтед" ЦСКАга жиддий ташвиш туғдириши аниқ. Жозе Моуринью жамоаси айни пайтда жуда яхши спорт формада. Жуда кам гол ўтказаётган "Манчестер Юнайтед" гол уриш бобида яхши кўрсаткичга эга. ЦСКА эса ЕЧЛ стартини яхши бошлади. Португалиядан илк турда ғалаба билан қайтган "ҳарбийлар"нинг иштаҳаси анча очилган. Шу боисдан ҳам ўз уйидаги ўйинда ўзи учун керакли натижага умид қилишга ҳақли.
Аммо жамоаларнинг ҳозирги даражаси ва савиясидан келиб чиқадиган бўлсак, бугун ЦСКА кеча "Спартак" қилган ишни, яъни бир очко олишни уддаласа ҳам яхши натижа ҳисобланади. Бу ишни қандай амалга оширишни ЦСКА билади. Чунки бу жамоаларнинг 2015 йилдаги Москвада ўтган баҳсида "ҳарбийлар" дуранг қайд этишганди. Москвадаги ўйин гуруҳда ким якка ҳокимликни ўрнатишига ойдинлик киритиб беради.
Биринчи турдан кейин гуруҳ аутсайдерига айланган икки жамоалар ўртасидаги баҳс Швейцарияда бўлиб ўтади. "Базель" МЮдан учралган мағлубият аламини "Бенфика"дан олишга уриниб кўради. Руи Виториа шогирдлари эса ўз уйида қилолмаган ишларини сафарда амалга ошириш учун ҳаракат қилиб кўришади.
"B" гуруҳида ҳам пешқадамлар ҳамда аутсайдерлар ўзаро тўқнаш келишади.
Бельгияда "Андерлехт" ўтган турда ПСЖдан яраланган "Селтик"ни қабул қилади. Ушбу ўйин гуруҳдаги учинчи ўрин учун имкониятни кескин оширади.
Нафақат гуруҳнинг, балки турнинг энг марказий учрашуви Парижда кечади. Даҳшатли трансферларни амалга оширган янги ПСЖ учун илк жиддий синовни "Бавария" тақдим этади. Карло Анчелотти ўзининг собиқ жамоасига қарши "Бавария"ни бошлаб тушади.
Ўтган ҳафтада ўз чемпионатларида дуранг қайд этган гуруҳ фаворитлари "квартет"да ким "хўжайин" бўлишини белгилаб беради.
Неймар ва Мбаппе билан бойиган ПСЖ европа грандига қарши ўйинда нималар кўрсата олишига амалда гувоҳ бўламиз.
"Бавария" эса ички чемпионатдаги баъзи муваффақиятсизликлар учун ҳам ушбу катта ўйин орқали танқидчиларга муносиб жавоб қайтаришга иштиёқи баланд.
ПСЖ сафида Пасторе жароҳатидан фориғ бўлаётгани учун унинг ўйинда иштирок этиши ҳали номаълум.
"Бавария" лазаретидаги энг муҳим футболчи Нойер узоқ муддатга сафдан чиқди. Бернат ҳам ҳали жароҳатидан фориғ бўлгани йўқ. Тьяго Алькантара эса умумий гуруҳ билан машғулотларни бошлаган. Шунингдек, жароҳати туфайли бир қатор учрашувларни ўтказиб юборган Давид Алаба ҳам сафга қайтган. Анчелотти бугун уларни майдонга тушириш имкониятига эга. Роббенда эса кичик микро жароҳат мавжудлиги боис унинг иштироки ҳозирча сўроқ остида турибди.
Тарих шуни айтиб турибдики, "Бавария" ҳали Париж сафаридан очко билан қайтмаган. Анчелотти "Бавария"нинг Париждаги статистикасини яхши тарафга ўзгартира оладими?
Ушбу драматик ўтиши кутилаётган ўйин кўпчиликка катта қизиқиш уйғотмоқда. ПСЖ жорий мавсумда ЕЧЛда жиддий кураш таклиф эта оладими ёки йўқ, деган саволга жавоб берадиган ўйинда имкониятлар деярли тенг.
"C" гуруҳида ҳам ушбу турда эътиборга молик учрашув бор. Мадридда тактик қарашлари ҳамда услублари жиҳатидан бир-бирига жуда ўхшаш мутахассислар Диего Симеоне ва Антонио Конте тўқнаш келишади. "Атлетико"нинг метин ҳимояси "Челси"нинг итальянча услубдаги ҳимоясига қарши.
Бу баҳсда асосан тактик кураш, жамоалар бир-бирини хатосини кутадиган ўйин бўлади. "Атлетико" биринчи турда йўқотилган очколар ўрнини қоплаш мақсадида "Челси"га қарши фақат ва фақат ғалаба учун майдонга тушади. Конте эса камида бир очко билан қайтишни кўзлаши аниқ. Натижа учун ўйнайдиган жамоалар ўртасидаги баҳсда ақл кўп нарсани ҳал этади.
Гуруҳнинг нариги беллашувида ЕЧЛ дебютанти "Қорабоғ" "Рома"ни меҳмон қилади. Лондонда жавобсиз олтита голни қабул қилиб олган озарбойжонликлар катта сенсация қайд этиш учун бор кучларини сарфлашлари аниқ. "Рома" эса нафақат очколар сонини ошириб олиши, балки тўплар нисбатини ҳам кескин яхшилаб олиши мумкин.
"D" "квартети"да "Ювентус" ўз уйида Грециянинг "Олимпиакос" жамоасини қабул қилса, "Барселона" Португалияда Криштиану Роналдунинг собиқ жамоасига қарши куч синашади.
Ўтган турда мағлубият аламини татиб кўрган икки жамоа - "Ювентус" ҳамда "Олимпиакос" Туринда ўзаро баҳслашади.
"Ювентус" жамоасининг ўнг қанот ҳимоя чизиғида етарлича муаммолар бор. Лихтштайнер ЕЧЛда рўйхатдан ўтказилмаган бўлса, айнан шу нуқта учун харид қилинган Де Шильо "Барселона"га қарши ўйиндаги жароҳати туфайли сафдан чиққанди. Бу эса Аллегрига ортиқча бош оғриқ бўлмоқда. Бугун Аллегри ўнг қанотда асли ярим ҳимоячи ҳисобланган Стурарони қўйиши мумкин. Ёки Барцальи ўнг қанот ҳимоясида ўйнайди. Қолган чизиқлар бўйича ортиқча муаммо йўқ. Хедира ва Маркизионинг ўрни эса Пьянич ҳамда Матюиди билан муносиб тўлдирилмоқда.
Ушбу учрашувда "Ювентус"ни хато қилишга ҳаққи йўқ. Акс ҳолда гуруҳдаги ҳолати анча қийинлашиб қолади. "Олимпиакос" учун ҳам Туриндан очко билан қайтиш жуда муҳим аҳамият касб этади. Навбатдаги мағлубият греклар учун имкониятлар эшигини деярли ёпиб қўяди.
"Спортинг" - "Барселона" учрашуви эса гуруҳ пешқадамини аниқлаб беради ва плей-офф йўлланмаси учун катта қадам бўлади. Каталония жамоаси Ла Лигада ҳам, ЕЧЛда ҳам яхши старт олди. Эрнесто Вальверде Испания суперкубогидан кейин жамоани тезда ўзига келтира олди. Жамоа кетма-кет ғалабаларни расмийлаштирмоқда. Эрнесто Вальверде таркибда баъзи йўқотишларга эга. Усман Дембеле маълум муддат жароҳати сабаб жамоасига ёрдам бера олмайди. Шунингдек, Рафиньяда ҳам жароҳат бор. Қолган футболчиларнинг барчаси Вальверде ихтиёрида тайёр ҳолатда туришибди.
Криштиану Роналдуни кашф этган жамоа "Барселона"га бугун жиддий қаршилик кўрсатишга ҳаракат қилади. Роналдунинг Лиссабондаги ишқибозлари томонидан Месси анчагина "илиқ" кутиб олиниши аниқ.
Йорге Жесус жамоаси Грециядаги муҳим ғалабадан кейин ўз кучига бўлган ишончни анча ошириб олди. Шу боисдан лиссабонликлар "Барселона"га қарши ўйинда ҳам ғалаба учун кураш олиб боришлари табиий.
Аммо жамоанинг охирги икки учрашувда кутилган натижани қайд эта олмагани, уларнинг руҳий ҳолатига ўз таъсирини ўтказиши мумкин. "Спортинг" аввалига "Маритомо" билан, кейинчалик "Мореиренсе" билан дуранг ўйнади.
Лекин шуни қайд этиш лозимки, "Спортинг" жорий мавсумда ҳали мағлубиятга учрагани йўқ. "Барселона" ҳозирча ҳеч ким уддалай олмаётган ишни Лиссабонда бажариши мумкин.
ЕЧЛ, 2-тур.
"A" гуруҳи
ЦСКА - "Манчестер Юнайтед"
"VEB Арена" стадиони.
Бош ҳакам: Ёнас Эрикссон (Швеция)
ЦСКА: Акинфеев; Набабкин, Васин, В. Березуцкий, А. Березуцкий, Щенников; Головин, Вернблум, Дзагоев; Витиньо, Оланаре
Сўроқ остида: Марио Фернандес (жароҳат)
"Манчестер Юнайтед": де Хеа; Дармиан, Бейи, Джонс, Блинд; Эррера, Матич; Мата, Мхитарян, Рэшфорд; Лукаку
Ўйнамайди: Погба (жароҳат), Рохо (жароҳат), Ибрагимович (жароҳат), Феллайни (жароҳат), Каррик (жароҳат)
"Базель" - "Бенфика"
"Якоб Парк" стадиони.
Бош ҳакам: Крейг Томсон (Шотландия)
"Базель": Вацлик; Аканджи, Сухи, Баланта; Штеффен, Дзуффи, Т. Джака, Ланг; Эльюнусси; Оберлен, ван Волфсвинкел
Ўйнамайди: Габер (жароҳат)
"Бенфика": Жулио Сезар; Андре Алмейда, Луизао, Рубен Диаш, Гримальдо; Фейса, Пицци, Сальвио, Серви; Жонас, Сеферович
"B" гуруҳи
"ПСЖ" - "Бавария"
"Парк де Пренс" стадиони.
Бош ҳакам: Антонио Матеу (Испания)
"ПСЖ": Ареола; Дани Алвес, Маркиньос, Тьяго Силва, Кюрзава; Верратти, Тьяго Мотта, Рабьо; Мбаппе, Кавани, Неймар
Сўроқ остида: Пасторе (жароҳат)
"Бавария": Ульрайх; Киммих, Хуммельс, Боатенг, Рафинья; Хамес, Алькантара, Видаль; Роббен, Рибери, Левандовски
Ўйнамайди: Нойер (жароҳат), Бернат (жароҳат)
"Андерлехт" - "Селтик"
"Констант Ванден Сток" стадиони.
Бош ҳакам: Жесус Гил (Испания)
"Андерлехт": Букс; Аппиа, Спаич, Дешахт, Сова; Требель, Дендонкер, Станчу; Анни, Берич, Оньекуру
Ўйнамайди: Кумс (дисквалификация), Нахар (жароҳат)
Сўроқ остида: Мбоджи (жароҳат), Обрадович (жароҳат), Теодорчик (жароҳат)
"Селтик": Гордон; Лустиг, Шимунович, Боята, Тирни; Браун, Нчам; Робертс, Армстронг, Синклер; Гриффитс
Ўйнамайди: Святченко (жароҳат), Эбуэ (жароҳат)
"C" гуруҳи
"Атлетико" - "Челси"
"Эштадиу Ванда Метрополитано" стадиони.
Бош ҳакам: Чунейт Чакир (Туркия)
"Атлетико": Облак; Хуанфран, Савич, Годин, Филипе Луис; Коке, Габи, Томас, Сауль; Гризманн, Корреа
Ўйнамайди: Фернандес (жароҳат)
"Челси": Куртуа; Аспиликуэта, Луис, Кэхилл; Дзаппакоста, Канте, Бакайоко, Алонсо; Виллиан, Педро; Мората
Ўйнамайди: Дринкуотер (жароҳат)
Сўроқ остида: Луис (жароҳат)
"Қорабоғ" - "Рома"
"Баки Олимпия Стадиону" стадиони.
Бош ҳакам: Артур Диас (Португалия)
"Қорабоғ": Каниболоцкий; Медведев, Гусейнов, Юнусзаде, Жезничак; Мичель, Ричард Алмейда; Энрике, Эльюнусси, Мадатов; Ндлову
Сўроқ остида: Аголи (жароҳат)
"Рома": Алиссон; Бруно Перес, Манолас, Жуан Жезус, Коларов; Пеллегрини, Де Росси, Наингголан; Дефрель, Жеко, Эль-Шаарави
Ўйнамайди: Карсдорп (жароҳат), Шик (жароҳат), Морено (жароҳат)
Сўроқ остида: Перотти (жароҳат)
"D" гуруҳи
"Спортинг" - "Барселона"
"Эштадио Хосе Алваладе" стадиони.
Бош ҳакам: Овидиу Хатеган (Руминия)
"Спортинг": Патрисиу; Пиччини, Матье, Коатес, Сильва; Желсон, Вилльям Карвалью, Батталья, Бруну Фернандеш, Акунья; Думбия
"Барселона": тер Стеген; Семеду, Пике, Юмтити, Альба; Ракитич, Бускетс, Иниеста; Месси, Суарес, Деулофеу
Ўйнамайди: Дембеле (жароҳат), Алькантара (жароҳат)
"Ювентус" - "Олимпиакос"
"Альянц стэдиум" стадиони.
Бош ҳакам: Тобиас Штилер (Германия)
"Ювентус": Буффон; Стураро, Бардзальи, Кьеллини, Алекс Сандро; Пьянич, Матюйди; Куадрадо, Дибала, Манджукич; Игуаин
Ўйнамайди: Де Шильо (жароҳат), Хеведес (жароҳат), Маркизио (жароҳат), Пьяца (жароҳат)
Сўроқ остида: Хедира (жароҳат)
"Олимпиакос": Прото; Элабделлауи, Энгелс, Ромао, Фигейраш; Зделар, Жийе, Оджиджа; Карсела-Гонсалес, Себа; Джурджевич
Ўйнамайди: Вукович (жароҳат), Капино (жароҳат)
Похожие новости
![AMP Logo](https://championat.asia/image/logo-amp.png)
Комментарии