Драган Черан Ривалдонинг рекордини янгилади

Мавсум давомида 23та гол урган "Пахтакор" аъзоси Драган Черан Суперлига тўпурари бўлди. Иккинчи ўринни унинг жамоадоши Игорь Сергеев эгаллади - 17та гол. АГМК ҳужумчиси Зафар Полвонов 15та гол уриб тўпурарлар пойгасида учинчи ўринни эгаллади.

Ўтган мавсум ҳам "Пахтакор" вакили Тиаго Безерра 17та гол билан тўпурар бўлган эди. Умуман олганда олтинчи марта хорижлик футболчи Ўзбекистон чемпионатида тўпурар бўлди. Драган Черан Ўзбекистон чемпионатида бир мавсум давомида энг кўп гол урган легионерга айланди. Ҳозирга қадар хорижий футболчилар учун рекорд Ривалдога тегишли эди - 20та гол.

Барча легионер тўпурарлар рўйхати:

2009 - Ривалдо 20та гол (Бразилия)
2011 - Милош Трифунович 17та гол (Сербия)
2013 - Олександр Пишур 19та гол (Украина)
2014 - Артур Геворкян 18та гол (Туркманистон)
2018 - Тиаго Безерра 17та гол (Бразилия)
2019 - Драган Черан 23та гол (Сербия)