"Дўстлик" мураббийи Камолиддин Усмонов: "Вазиятлардан фойдала олмадик, қарши ҳужумлардан гол ўтказдик"

Ўйин ҳақида

- Яхши футбол бўлди. Вазиятлардан фойдала олмадик, қарши ҳужумлардан гол ўтказдик. Узоқ масофадан йўл босиб келганимиз сабаб йигитларда озгина чарчоқ бўлди. Рақиб кучлилик қилди. Уларга кейинги ўйинда омад тилаймиз. 

- "Арал" жамоаси билан уч марта тўқнаш келдингиз. Уччаласида ҳам мағлуб бўлдинглар. Бунга сабаб нима?

- Менимча, гап тажрибада. Бизда асосан ёш йигитлар.

- "Арал" жамоасининг ўйинида ўткан йилгидан қандай ўзгариш бор?

- Ўтган йилгига қараганда анча ўсиш бор. Про лига даражасида ўйин кўрсатишмоқда.

- Алишер Азизовнинг вазни борасида нима дея оласиз?

- Албатта, буни вақт кўрсатади, аммо Алишер Азизов ҳозир яхши формада.

- "Арал" жамоасида айнан қайси футболчини алоҳида ажратиб кўрсатган бўлардингиз?

- Еттинчи рақамли футболчини алоҳида ажратиб кўрсатган бўлардим. Жамоа сардорини.