Дональд Трамп АҚШ аёллар терма жамоасини ЖЧдаги ғалаба билан табриклади

Америкаликлар финалда Голландияни 2:0 ҳисобида ютган ҳолда титулни ҳимоя қилишни уддасидан чиқишди.

"АҚШ аёллар терма жамоасини жаҳон чемпионатидаги ғалаба билан табриклайман! Ажойиб ва ўзига ром этувчи ўйин. Америка сиз билан фахрланади!", - деб ёзган Трамп ўзининг "Twitter" саҳифасида.

Олдинроқ АҚШ терма жамоаси ўйинчиси Меган Рапино агар жаҳон чемпионатида ғалаба қозонса анъанавий маросим учун "оқ уй"га бормаслигини айтиб ўтган эди. Трамп ҳам жавобан олдин ғалаба қозониш кераклигини айтган. Якунда Рапино турнирнинг энг яхши ўйинчиси ва тўпурари бўлди.