RU

Диёр Мирзабоев: "Йигитларнинг ўйинга бўлган муносабати мени хурсанд қилди" Новости

Диёр Мирзабоев: "Йигитларнинг ўйинга бўлган муносабати мени хурсанд қилди"

Про-лиганинг 25-туридан ўрин олган "Янгиер" - "Шўртан" (1:1) учрашувидан сўнг мезбонлар бош мураббийи Диёр Мирзабоев матбуот анжуманида иштирок этди.

Ўйин ҳақида

- Мавсумнинг охирида футболчиларда мотивация йўқолган. Лекин бугун кўрсатган ўйинимизда шижоат бор эди. U-19 жамоамиздан 4 нафар футболчини жалб этдингиз, кўрдингиз номдор клубга қарши ўйинда ўзини йўқотиб қўйгани йўқ. Ҳамма футболчиларимизга алоҳида миннатдорчилик билдираман. Натижадан кўра ҳам йигитларнинг ўйинга бўлган муносабати мени хурсанд қилди. 1:0дан кейин ҳам етарлича вазиятларимиз бўлди. Умумий айтганда, бугун дуранг адолатли натижа бўлди. 

- U-19 жамоаси вакилларининг ҳаракатларидан қониқдингизми?

- Албатта. Энг ёш жамоа бизда, 2003-2004 йил футболчилар асосий таркибда ўйнамоқда. Бугун томошабоп ўйин бўлди деб ўйлайман. Йигитлар борларини бериб ҳаракат қилишди.

- Бу йилга жамоа "Шўртан" билан 4 марта тўқнаш келди, аммо мағлуб этолмади. Бу ҳақида қандай изох берасиз?

- "Янгиер" ҳали "Шўртан"ни ютмаган экан. Бугун масала бўйича гаплашгандик, "Шўртан"ни ютиш учун майдонга чиққандик. Аммо якунда барибир дуранг натижа қайд этилди.

- Жамоада ойлик маошлар тўландими?

- Молиявий муаммолар кўп клубларда бор. Клуб хусусий ҳисобланади. Аммо, бу жамоа бутун Сирдарё вилоятиники. Ҳозирда мукофот пуллари ва ойлик-маошлар бўйича қарздорликлар йўқ эмас. Бироқ "Янгиер" ҳар доим мавсум якунида ҳамма билан тўлиқ ҳисоб-китоб қилиб келган.

Рейтинг:    

Комментарии

championat.asia
< посмотреть последние новости
Яндекс.Метрика